EK'S TERUG!

Dit het gelyk asof Donald Trump se politieke loopbaan gekelder is. Maar blykbaar het sy party steeds vertroue in hom – en peilings wys hy kan weer koning kraai

JÔ, MENSE verskil darem baie. Vir party Amerikaners is Donald Trump ’n volksheld wat ál hulle drome gaan bewaarheid. Vir ander is hy ’n misdadiger, verraaier en verkragter wat opgesluit moet word. Oor Trump is daar nie draadsitters nie. Liefde of haat. Die Republikeinse Party maak staat op eersgenoemde. Afgevaardigdes van Iowa het vir Trump gestem as hulle kandidaat om later vanjaar teen pres. Joe Biden te staan te kom in die verkiesing.

Baie mense in die res van die wêreld kyk in afgryse toe. Hoekom op dees aarde sal die party iemand wat so erg in die skande gesteek is, nóg ’n keer die leisels van die land – en die kodes van die kernarsenaal – wil gee?

Dít ná die waansin van sy laaste maand in die amp toe hy nie wou aanvaar dat hy die verkiesing verloor het nie. Nadat hy ’n skare mense opgesweep het om die Capitol-gebou – die hartjie van die Amerikaanse demokrasie – gewelddadig te bestorm. Plak hierby die 91 aanklagte teen hom, wat insluit bedrog, vervalsing en aanhitsing tot rebellie, asook die sterk moontlikheid dat hy die eerste voormalige Amerikaanse president kan word wat tronk toe gestuur gaan word. Hy is klaar die eerste oudpresident van dié land wat vir ’n polisiefoto moes staan.

Maar waardes en moraliteit teit is op die agtersitplek. Wat nou belangrik grik is, is meningspeilings, en dié wys as s Trump (77) weer teen Biden (81) te staan an kom, gaan hy waarskynlik wen. Die Iowa-Republiowa-Republikeine het in hierdie heel eerste rste fase van die proses, in oorvloed vir r Trump gestem. Teen die ander kandidate didate – die goewerneur van Florida, Ron DeSantis en ’n vorige VN-ambassadeur adeur Nikki Haley – het Trump ’n wegholoorwinning oloorwinning gehad. Maar dis nog vroeg. Verteenwoordigers in 49 ander state moet oet nog hulle stem dik maak, maar die kenners dink dié eerste oorwinning is ’n groot sielkundige hupstoot vir die Donald. ld.

HY KON nie eens s lank feesvier nie – ure ná sy y oorwinning was hy terug in die hof in New York. Laas jaar is bevind hy het die skrywer er

E. Jean Carroll in die 1990’s ’s seksueel aangerand. Daarna a het hy haar belaster deur te e sê sy’t alles opgemaak. En nou het sy hom weer gedagvaar omdat sy sê hy het sy mag as president gebruik om haar reputasie heeltemal te vernietig. Hy gaan vanjaarvanjaar baie tyd in die hof deurbring, maar vir Trump is daar “no such thing as bad publicity”. Hy speel die rol van onskuldige martelaar – al hierdie hofsake is net ’n sameswering om sy presidentskap en nog ’n verkiesing by hom te “steel”.

Amerikaners moet hulle sitplekgordels styftrek vir sy derde agtereenvolgende verkiesingsveldtog.

Het die VSA se 45ste president regtig ’n kans om terug te keer Withuis toe as die 47de een?

Ons kyk na sy uitdagings, die troefkaarte in sy mou en die blokke waaroor hy nog kan

struikel.