SWARTRYSPOEDING MET KLAPPERROOM

GENOEG VIR 4 MENSE / BEREIDING: WEEK OORNAG / BAK: 1 UUR

SWARTRYSPOEDING 200 g swartrys 4 swart kardemompeule, liggies gebreek

40 g donkerbruin

suiker GEROOSTERDEKLAPPERROOM

150 g droë klapper ’n knippie fyn sout

1 Was die rys ’n dag voor die tyd goed in water wat jy verskeie kere vervang en haal enige gruis of kaf uit. Laat week oornag in koue water. Dit moet lank week om die veselryke vliese sag te maak voor dit gaar kook. 2 Geroosterde klapperroom Berei ook die vorige dag die klapperroom as jy jou eie maak. Verhit ’n braaipan en rooster die klapper terwyl jy roer tot ’n diep bruin. Keer dit in ’n hittebestande menger uit saam met 1,25 L (5 k) onlangs gekookte water. Week 20 min. en pols dan goed. Giet en druk deur moeselien of ’n fyn sif om al die vloeistof uit te kry en plaas dan oornag in die yskas. Gooi die soliede dele weg of gebruik dit om smoothies te maak. Jy kan dit tot 5 dae in die yskas hou. 3 Die volgende dag sal die vloeistof geskei het. Skep die dik klapperroom bo-op af en roer ’n bietjie van die waterige klappermelk onder in om ’n gladde room met ’n dik samestelling te kry. 4 Voeg ’n groot knippie sout by. Gebruik die oorskiet- waterige klappermelk as deel van die kookvloeistof vir die rys of hou dit om in sop te gebruik. 5 Swartryspoeding

Dreineer die rys en was dit weer. Plaas in ’n kastrol met 800 ml (3¼ k) water en die kardemom. Laat prut sonder die deksel sowat 40 min. oor matige hitte terwyl jy af en toe roer tot ’n sagte, papperige ryspoeding vorm. Indien nodig, voeg nog water by en kook langer vir die korrels om sag te word. 6 Verwyder die kardemom en roer die bruinsuiker in. Verminder die hitte en laat prut nog 5 min. terwyl jy roer. Proe en voeg nog suiker by, indien verkies. Laat afkoel. 7 Sit die ryspoeding by kamertemperatuur voor saam met die klapperroom.