HELP JOU LAERSKOOLKIND OM WISKUNDE BAAS TE RAAK
Besoek huisgenootjunior.com
BREUKE, langdeel, maalsomme, geometriese patrone . . . Dis die soort woorde wat baie ouers en hul kinders kan laat wakker lê in die nag. Maar laerskoolwiskunde hoef niemand vanjaar in koue sweet te laat uitslaan nie, want daar is ’n splinternuwe pakket vir skoolwerk beskikbaar op Huisgenoot se opvoedkundige webblad Huisgenoot Junior: Leer en speel!
Dié aanlyn wiskundepakket bestaan uit 20 nuttige video’s waarin die wiskundeonderwyseres Ischké Felix konsepte en somme wat leerders in graad 4, 5 en 6 moet baasraak, op ’n praktiese en toeganklike manier verduidelik.
Daar is ook by elke video, wat elk ongeveer agt minute lank is, ’n aflaaibare werkvel en memorandum wat leerders kan help om die somme te oefen.
WAT IS HUISGENOOT JUNIOR: LEER EN SPEEL?
Huisgenoot Junior: Leer en speel! is ’n unieke aanlyn platform propvol interessante, leersame inhoud vir kinders.
Dis ’n skatkis van opvoedkundige, boeiende inligting vir nuuskierige skierige jong mense wat die wêreld wil ontdek, en dit kan leerders met hul skoolwerk help. Die inhoud sluit aan by die skoolkurrikulum en bied ied hulp met skoolwerk, huiswerk, take en mondelinge.
WAT KRY EK OP HUISGENOOT OT JUNIOR: LEER EN SPEEL?
Huisgenoot Junior: Leer en Speel! bied ’n verskeidenheid bondels wat bestaan uit goed nagevorste artikels wat jou kinders met hul skoolwerk kan help. Dit is gegroepeer volgens vakke en onderwerpe.
Die skoolwerkpakkette is geskik vir leerders in graad 4, 5 en 6. Dit bevat artikels wat aangevul is met foto’s, illustrasies, infografika en video’s. Baie van die onderwerpe wat in die onderskeie grade behandel word, oorvleuel en vul mekaar aan. Leerders kan die inhoud van die skoolwerkpakkette raadpleeg soos wat hulle dit gedurende dié drie skooljare benodig.
Boonop sal nog nuwe inligting en pakkette voortdurend op die platform bygewerk word sodat jou kroos kan aanhou leer.