OOSTERSE HOENDERTACO’S
LEWER 6 TACO’S / BEREIDING EN GAARMAAK: 15 MIN.
1 L (4 k) kanola-olie
MARINADE
15 ml (1 e) sojasous 5 ml (1 t) srirachasous
5 ml (1 t) brandrissievlokkies
5 ml (1 t) sesamolie 22,5 ml (1½ e) gekapte vars koljander ’n duimgrootte-stuk gemmer, baie fyn gekap 2 knoffelhuisies, baie fyn gekap 2,5 ml (½ t) heuning 7,5 ml (½ e) ryswynasyn
OOSTERSE HOENDER
60 ml (¼ k) mielieblom
2,5 ml (½ t) sout 1,25 ml (¼ t) vars gemaalde swartpeper
4 ontbeende hoenderdye sonder vel, in kwarte gesny
GRONDBOONTJIESOUS
125 ml (½ k) onversoete grondboontjiebotter
25 ml (5 t) hoisinsous
3,75 ml ( ¾ t) brandrissievlokkies water, soos nodig
OOSTERSMEXIKAANSE SLAAI
1 wortel, geskil en in dun skyfies gesny ½ rooi soetrissie, saad uitgekrap en in dun repies gesny ½ jalapeño-rissie, fyngekap 1 sprietui, fyngekap 4 vars mentblare, grofgekap
20 ml ( 1 e) vars koljander, grofgekap 2,5 ml (½ t) suurlemoensap
’n knippie sout
VIR AFRONDING
6 warm mielietortillas vars koljander vir garnering
1 Verhit die kanolaolie in ’n diepbraaier of kastrol tot 180 °C.
2 Marinade Plaas al die bestanddele vir die marinade in ’n bak en meng goed. Hou ’n bietjie van die marinade eenkant om teen die einde oor te verf. 3 Oosterse hoender
Meng die mielieblom, sout en peper in ’n aparte bak. Rol die hoenderstukke in die gegeurde meel, skud die oortollige meel af en plaas dadelik vir 30 sek. in die warm olie. Haal uit die olie, doop die stukke in die marinade, rol weer in die gegeurde meel en braai nog 40 sek. in die olie tot lekker bros. Dreineer die hoenderstukke op kombuispapier en verf liggies met die marinade wat jy eenkant gehou het. 4 Grondboontjiesous
Plaas al die bestanddele in die bak van ’n voedselverwerker en pols tot ’n gladde mengsel. Die mengsel sal nogal dik wees, so gooi ’n klein bietjie water op ’n slag by tot dit die voorkoms van heuning het. 5 Oosters-Mexikaanse slaai Plaas al die groente en kruie in ’n bak en meng dit versigtig met ’n lepel deur tot goed gemeng. Voeg die suurlemoensap en sout by net voor jy dit voorsit. 6 Vir afronding Bou elke taco deur die slaai al in die middel af van elke tortilla te skep. Plaas van die hoenderstukke bo-op, gevolg deur ’n paar druppels van die grondboontjiesous. Garneer met die vars koljander.