JOU STERRE
VISSE 19 FEBRUARIE – 20 MAART
Met ’n samehoping van planete in jou teken kan jy eers oorweldig voel om so skielik in die kollig te wees. Vat jou tyd en oorkom jou skaamheid, want jy kan voordeel daaruit trek om die liefdesdiva, Venus, van die 11de af in jou teken te hê. Voeg daarby ’n nuwemaan in die Visse op die 10de en jy sal in die luim wees om glans te ervaar. Onderskei tussen oordrywing en leuens vertel.
RAM 21 MRT – 19 APR
As dit vir jou voel al jou energie is getap, sal dit dalk alle gebiede van jou lewe raak. Probeer om nie die tekens van moontlike uitbranding te ignoreer nie. Rus sal nou vir jou verstand, liggaam en siel goed wees. Jy behoort teen die 8ste weer op koers te kom. Die 10de kan ’n keerpunt wees wanneer jou humeur vinnig en jou geduld min is. Dink voor jy reageer.
BUL 20 APR – 20 MEI
’n Baasspelerige mens by die werk kan jou rondom die 10de irriteer – onthou om asem te haal en kalm te bly. As jy iets nodig gehad het om jou te druk om ’n besluit te neem, is dit dalk net die ding dié. Maak seker jy is reg vir ’n ingrypende verandering. Jou heersende planeet, Venus, maak hom op die 11de in die sielvolle Visse tuis. Dit is nou ’n ideale tyd om na vriende uit te reik, veral dié wat ’n koppie tee en simpatie nodig het.
TWEELING 21 MEI – 20 JUN
Iemand by die werk probeer jou dalk die sondebok maak. Wees op jou hoede en skerp as die blaam op jou gepak word. Met dié dat die newelrige Neptunus by jou heerser, Mercurius, aansluit, wil jy dalk saamspeel en kyk wat aan die lig kom as jy nie weerstand bied nie. Die nuwemaan in jou loopbaanhoroskoop op die 10de dui op ’n nuwe begin.
KREEF 21 JUN – 21 JUL
’n Gebrek aan kommunikasie kan jou rondom die 8ste frustreer. Dit sal beter wees as jy tussen die lyne lees om uit te vind wat aangaan eerder as om op geskrewe of gesproke woorde staat te
maak. Of jy saamstem of nie, as ’n waterteken is jy van nature ’n spirituele wese. Gebruik die nuwemaan op die 10de om ’n dieper insig by eendersdenkende mense te kry.
LEEU 22 JUL – 22 AUG
Grense rakende gesamentlike geld, beleggings en uitgawes word beklemtoon, veral as jy dink sulke grense is te vloeibaar. Dit is nie nodig om te streng met die ander party te wees nie. Gebruik hierdie tyd om dinge uit te kyk en te dink wat jy anders sou doen. Swem saam met die stroom en kyk wat rondom die 10de opduik.
MAAGD 23 AUG – 22 SEP
As jy getrou aan jou aard is, roem jy daarop dat jy nougeset, stiptelik en puntenerig in jou daaglikse lewe is. Dit gee jou ’n gevoel van veiligheid en vastigheid. Daarom kan jy ongemaklik voel wanneer die planeet van dagdromery, Neptunus, op die 8ste met jou heerser, Mercurius, saamspan. Moenie te hard op jouself wees nie en laat jouself toe om af en toe ’n fout te maak en vergeetagtig te wees.
WEEGSKAAL 23 SEP – 22 OKT
Samewerking is een van jou beste eienskappe. Daarom sal dit vir jou moeilik wees om te aanvaar dat iemand in jou lewe hierdie week koppig en uitdagend is. Dit sal ook oorwaai, en wanneer jou planeet, Venus, op die 11de by die deernisvolle Visse inbeweeg, sal jy dit in jouself vind om te verdra en te vergewe.
SKERPIOEN 23 OKT – 21 NOV
Moenie toelaat dat verskille by die huis jou onderkry nie, want jy weet hoe jy jou kan verknies oor iets wat jy as beledigend ervaar het. Dit help dat die liefdesdiva, Venus, op die 11de by ’n medewaterteken inbeweeg, want dit maak dit vir jou makliker om met die stroom saam te gaan. As jy vermoed ’n vriend beskinder jou, moet jy uitvis en uitpluis of dit waar is of nie.
BOOGSKUTTER 22 NOV – 20 DES
Al sukkel jy met sonde met die bure, is dit ’n tyd om jou energie op jou geliefdes by die huis uit te stort. Wanneer jy besef dit is eintlik familie wat die wêreld aan die gang hou, sal jy meer waarderend en deernisvol oor hul talente en tekortkominge wees. Al is reis op jou agenda, sal jy nou nuwe huisplanne vir die toekoms wil maak.
STEENBOK 21 DES – 20 JAN
Iemand in jou lewe is gretig dat julle twee julle kommunikasievaardighede moet verbeter, al is dit makliker gesê as gedaan. Die nuwemaan op die 10de is die ideale tyd om ’n nuwe begin te maak. Al is jy van nature gelate, kan beter kommunikasie net voordelig vir jou loopbaan wees, want dit is die grondslag van selfuitdrukking. Jy volg dalk selfs ’n kursus in kreatiewe skryfkuns.
WATERDRAER 21 JAN – 18 FEB
Jy is geseënd dat jy albei liefdesplanete, Venus en Mars, die afgelope ruk in jou teken gehad het. Dit sou jou liefdeslewe ’n hupstoot gegee het. Die stand van sake verander en die klem val op geld en sekuriteit. Dit sal alte maklik wees vir ’n gewetenlose mens om jou om die bos te lei. Kyk dus die situasie goed deur voor jy jou beursie uithaal.