GEBAKTE SOUTTERT met GORGONZOLA & VYE
LEWER 1 GROOT TERT / BEREIDING: 30 MIN. GAARMAAK: SOWAT 60 MIN. (BLINDBAK INGESLUIT)
Vye en bloukaas is ’n klassieke en hemelse kombinasie.
KORS
200 g botter 400 g koekmeel ’n knippie sout sowat 125 ml (½ k) koue water
VLA
2 ekstragroot eiers 125 ml (½ k) volroomjogurt
125 ml (½ k) volroommelk
125 g roomkaas 15 ml (1 e) heuning 15 ml (1 e) koekmeel sout en peper, na smaak
VULSEL
150 g bloukaas (simonzola) 6 sondroë tamaties (opsioneel), gesny 300 g adamsvye (sowat 6), gehalveer 30 g okkerneute, grofgebreek AFRONDING
’n paar roketblare
Voorverhit die oond tot 180 °C. Bespuit ’n reghoekige losboomtertpan met kossproei.
1 Kors Plaas die botter, meel en sout in die bak van ’n voedselverwerker en pols tot goed gemeng. Voeg net genoeg water deur die tregter by tot ’n sagte deeg om die lem vorm. Haal die deeg uit, vorm in ’n bal en plaas in die yskas vir sowat 1 uur.
2 Voer die bodem en kante van die tertpan met die deeg uit en bak blind (sien onder).
3 Vla Klits al die bestanddele saam in ’n mengbak en hou eenkant.
4 Vulsel Breek die kaas in growwe stukke en versprei oor die gaar kors. Sprinkel die sondroë tamaties boop, indien gebruik, en rangskik die vye bo-op.
5 Giet die vla oor en sprinkel die neute bo-op.
6 Bak 35-40 min. of tot die vla gestol is.
7 Afronding Versier met die roketblare. Sit louwarm of koud voor.
BLINDBAKWENK
Prik die bodem van die deeg waarmee jy die pan uitgevoer het ’n paar keer met ’n vurk. Voer die deeg met bakpapier uit en vul die bodem met rou bone. Bak 10 min. tot gaar, maar nie bruin nie. Verwyder die bakpapier met die bone en bak nog 5 min. of tot die kors in die middel gaar is.