PAVLOVAROL met ’n VULSEL van VYE EN ROOM
GENOEG VIR 4-6 MENSE / BEREIDING: 20 MIN. GAARMAAK: 10-12 MIN.
Dié pavlova is nie te soet nie en dit bak net 10-12 min. Die sagte meringue en romerige jogurtvulsel werk goed saam met die vrugtige soetheid van die vye.
PAVLOVAROL
4 eierwitte 180 ml (¾ k) strooisuiker
’n knippie sout en kremetart
5 ml (1 t) fyn kaneel 15 ml (1 e) suiker 50 g (½ pakkie) amandelvlokkies
VULSEL
125 ml (½ k) room, styfgeklop 375 ml (1½ k) dubbelroomjogurt heuning, na smaak sowat 6 vars vye, stingels afgesny fyn kaneel of versiersuiker, vir oor sif
Voorverhit die oond tot 180 °C. Bespuit ’n groot bakplaat met kossproei en voer met bakpapier uit. Bespuit weer met die kossproei en sif ’n baie dun lagie mielieblom oor. 1 Pavlovarol Klits die eierwitte tot sagte punte vorm. Voeg terwyl jy klits geleidelik die strooisuiker, sout en kremetart by tot styf geklits. 2 Meng die kaneel, suiker en amandelvlokkies en versprei eweredig oor die voorbereide bakplaat.
3 Skep die meringue op die bakplaat en versprei dit eweredig. Bak 10-12 min. of tot gaar en styf, maar nie uitgedroog nie.
4 Plaas ’n stuk bakpa
pier en ’n draadrakkie oor die gebakte meringue. Draai alles saam om en verwyder die bakplaat. 5 Trek die bakpapier af en draai die meringue weer om sodat die kant met die amandels onder is. Bedek met ’n skoon kombuisvadoek en gebruik die doek om die meringue versigtig van een van die kort kante af op te rol. 6 Vulsel Net voor jy die pavlova wil voorsit, meng die room en jogurt. Jy kan ’n lepel of twee heuning by meng tot dit soet genoeg is na jou smaak.
7 Rol die meringue versigtig oop en smeer die roommengsel oor. Was die vye en pak die skoon vye langs mekaar op die een kort kant en rol die pavlova weer op.
8 Sif die kaneel of versiersuiker oor, indien verkies, en sit voor. Jy kan dit ook met ekstra vars vye (nie geskil nie) voorsit.