JOU STERRE
Jy is in jou element met dié dat die son en Neptunus in jou eie teken saamspan. Jy dagdroom alte lekker. Dit kan ook beteken dat jy meer heldersiende of intuïtief as gewoonlik is, asof die sluier tussen die verskillende wêrelde vir ’n oomblik lig. Moenie meegevoer raak nie en hou jou voete op die grond.
As jy op jou intuïsie ingestel is, sal jy aanvoel jy moet jou vir ’n ruk skaars hou. Dit is ’n geskikte tyd om tot verhaal te kom, na te dink en nuwe voornemens te stel vir jou persoonlike nuwejaar wanneer die son op die 20ste jou teken gaan binnekom. Tot dan sal jy geneig wees om te veel op jouself te neem. Jy dra dalk swaar aan ander mense se laste.
Jy word dalk ’n steunpilaar vir ’n vriend wat nou ’n moeilike tyd beleef, maar jy kan nie vir hulle ’n kruk word nie. Onder die omstandighede kan dit alte maklik wees om jou grense te vergeet en nie te weet waar jy begin en waar jou vriend eindig nie. Al word van jou verwag om empatie te wys, het jy ook jou eie lewe om te lei.
Jy moet nadink oor jou houding oor ’n situasie wat rondom die 17de by jou werk kan opduik. Jy kan ’n sondebok word as jy nie op en wakker is nie. Al hoef jy nie verdedigend op te tree nie, sal dit jou ’n voorsprong gee as jy iemand se volgende skuif kan voorspel. Dit is ook vir jou ’n verbeeldingryke tyd. Gee jou kreatiewe idees vlerke.
Die vereniging van die son en Neptunus in ’n medewaterteken op die 17de val so reg in jou kraal, want jy is van nature geneig om te dagdroom. Pleks van idees te laat kom en gaan, maak aantekeninge – en nie net in jou kop nie, want jy weet nooit hoe nuttig jou notaboeke in die toekoms kan wees nie.
Jou verbeelding is aan die brand, en aangesien jou teken meestal met kreatiwiteit verbind word, kan jy in jou gedagtes fantasieë optower wat dalk nie onder gewone omstandighede toeganklik is nie. Gee jouself toestemming om groot te droom mits jy steeds tussen werklikheid en fantasie onderskei. Dit is ook ’n wonderlike tyd vir liefde en romanse.
As jy ’n tipiese Maagd is, verkies jy orde, sekerheid en ’n praktiese benadering tot probleemoplossing. Maar vandeesweek is die sterretema een van verwarring, vloeibaarheid en ’n gebrek aan grense. Dit kan jou laat spartel as jy te veel op resultate ingestel is. Probeer met die stroom saamgaan, al beteken dit jy voel buite beheer en asof niks nou vastigheid het nie.
Dit lyk asof daar ’n gevoel van onsekerheid by jou werkplek heers. Besluite hang in die lug en vrae word geopper. Jy kan maar net met die vloei van dinge saamgaan, veral aangesien ’n ou orde tot niet gaan en ’n nuwe bestel vorm aanneem. Oppas dat jy nie soos ’n vloermat behandel word nie, want jou gebrek aan weerstand kan misverstaan word. daarvan om blootgestel te wees nie, kan dit vir jou liefdeslewe goeie nuus wees.
Dit is amper asof die sluise in jou huislike en familielewe oopgegaan het. Dit is ’n goeie tyd om ’n verouderde orde af te breek wat dalk gevestig was op reëls wat nou uitgedien is. Al voel dit asof jou lewe in ’n chaos verval, is daar logika agter die wanorde. ’n Nuwe orde word geskep wat meer eg is en ook meer sin maak.
Die ontmoeting van die son en Neptunus op die 17de verteenwoordig alles wat jy nie is nie. Dit kan vir ’n rukkie vir jou voel asof jy na strooihalms gryp. Vir iemand wat van struktuur, dissipline en standvastigheid hou, kan die idee van ’n gebrek aan grense jou bang maak. Jou beste opsie is om net te dink aan kop bo water hou en om nie fokus te verloor nie.
Jy is mensliewend en besorg oor gelykheid, en jy glo samewerking kan ’n verskil maak. As jy toegewyd is aan ’n saak, kan dit vir jou moeilik wees om te glo party mense kan sulke goedheid uitbuit om daaruit munt te slaan. Jy moet versigtig wees dat jy nie die slagoffer van ’n bedrogspul of slenter word en op die ou end geld verloor of misbruik word nie.