HIERDIE WEEK IN DIE GESKIEDENIS
12 MAART 2006 – DIE PROTEAS KLOP AUSTRALIË IN DIE 438-WEDSTRYD
Die vyfde eendagwedstryd tussen die krieketspanne van Suid-Afrika en Australië word gereken as een van die beste eendagwedstryde wat al ooit gespeel is. Die wedstryd is op 12 Maart 2006 op die Wanderers in Johannesburg beslis.
Albei spanne het op daardie dag die rekord gebreek vir die meeste lopies in ’n eendagwedstryd. Australië het eerste gekolf en ’n telling van 434/4 in hul 50 boulbeurte geslaan.
Die Australiese kaptein, Ricky Ponting, het 164 lopies aangeteken. Sy beurt het 13 viere en 9 sesse ingesluit. Australië se totaal was reeds die eerste telling van meer as 400
lopies in ’n eendagwedstryd.
Die vuurwerke was egter nog nie verby nie. Suid-Afrika het tweede gekolf, en baie het gedink die skrif was aan die muur omdat die Proteas ’ ’n geskiedenis gehad het van sukkel teen die Aussies. Die Aussies het ook in 2003 die Wêreldbeker op die einste Wanderers gewen.
Graeme Smith, wat die kaptein van die Proteas was, het ’n goeie fondament gelê vir die beurt met sy 90 lopies, maar die dag het aan die sterkolwer Herschelle Gibbs behoort.
Herschelle het 175 lopies van 111 balle gemoker voor hy uitgevang is. Die Proteas se voorlaaste paaltjie het geval op 433, een lopie weg van Australië se totaal. Dit was ’n laaste grenshou van die paaltjiewagter Mark Boucher wat eindelik die Proteas tot ’n totaal van 438 lopies geneem het.
dwMe Despicable 2024 Mei 29 Louvre Die Argentinië m 446 3 Lesotho: met grens die op Mafadi,
KIWIKIDSNEWS.CO.NZ, YORKSHIREWILDLIFEPARK.COM, PORT.AC.UK, NEWSROOM.WCS.ORG, KIDSNEWS.COM.AU, BBC. COM, EDITION.CNN.COM, REUTERS.COM, ESPNCRICINFO.COM