MINI-BURGERS met NIERTJIEBOON-PATTIES
BEREIDING EN GAARMAAK: 20 MIN. / GENOEG VIR 4 MENSE
2 x 400 g-blikke verkoelde niertjiebone, gedreineer en afgespoel
1 geel soetrissie, saad verwyder en fyngesny
2 sprietuie, fyngekap
’n hand vol vars koljanderblare, geskeur
4 e gerolde hawermout
1 t matige brandrissiepoeier
1 t gerookte paprika
½ t fyn sout
6 e sonneblomolie, vir braai
8 klein veganistiese witbroodrolletjies 4 ingelegde agurkies, gesny soetmieliesalsa (sien resep hier onder), vir voorsit
1 Plaas die niertjiebone in ’n groot bak en druk dit fyner met ’n vurk (jy kan dit ook met jou hande fyn druk) tot daar net ’n paar heel bone oorbly. Die mengsel moet semi-glad wees.
2 Voeg die soetrissie, sprietuie, koljander, hawermout, brandrissiepoeier, paprika en sout by en meng goed tot alles bymekaarkom.
3 Verhit die olie in ’n groot braaipan oor matige hitte. Verdeel die bonemengsel in agt. Rol dan elkeen in ’n rowwe bal voor jy dit plat druk om soos ’n pattie te lyk. Plaas die patties in die warm pan en braai 4 min. per kant – draai dit versigtig om met ’n eierspaan.
4 Sit die patties op geroosterde of warm minibroodrolletjies voor, saam met die agurkies en lepels vol van die soetmieliesalsa.
SOETMIELIESALSA
410 g soetmielies, gedreineer en afgespoel
1 rooi soetrissie, saad verwyder en in blokkies gesny
1 klein rooi-ui, geskil en fyngesny
2 tamaties, saad verwyder en in blokkies gesny ’n hand vol vars koljander, fyngekap ’n klein hand vol platblaarpietersielie, fyngekap sap van 1 lemmetjie ’ n vrygewige knippie gerookte seesoutvlokkies
1 Plaas die soetmielies, soetrissie, ui, tamaties, koljander en pietersielie in ’n bak en meng deur.
2 Druk die lemmetjiesap daaroor uit, geur met die gerookte seesout en meng deur.