JOU STERRE
RAM 21 MAART – 19 APRIL
Die kosmiese strateeg en kommunikeerder, Mercurius, is in jou teken. Hy begin op die 2de agteruitbeweeg en maak jou kwesbaar vir allerhande misverstande. Neem genoeg tyd om belangrike sake deeglik te bespreek, veral as jy sien almal dink eenders daaroor. As jy heimlik op ’n verbode mens verlief is, wil jy nie iets doen wat jou soos ’n gek laat lyk nie.
Jy voel geroepe om medelye en empatie te wys aan ’n vriend wat ’n moeilike tyd beleef. Maar onderskei tussen ondersteuning vir jou vriend en ingryp om die redder te wil wees. Laasgenoemde sal jou vriend laat dink hulle hoef nie verantwoordelikheid te aanvaar nie. En aangesien Mercurius, die kosmiese boodskapper, begin agteruitbeweeg, is dinge soos gerugte en skinderstories nou volop.
Moenie onkant betrap word wanneer jou heersende planeet, Mercurius, op die 2de begin agteruitbeweeg en allerhande misverstande meebring nie. Maak dus dubbel seker van reëlings, dokumente en syfers. By die werk hang ’n wolk oor ’n belangrike saak en jy is dalk so in die besonderhede vasgevang dat jy nie die geheel sien nie. ’n Spanlid bring ook dalk nie hul kant nie.
Jy hunker miskien daarna om weg te kom of het ’n lang ruskans nodig. Jy moet dalk maar daarmee tevrede wees om hierdie fantasie op ’n verbeeldingsvlak te geniet. Dinge kan ontspoor by die werk as jy onvoorbereid is op Mercurius wat op die 2de begin agteruitbeweeg. Maak kopieë van alle belangrike werk.
As ’n lewensmaat of vennoot ontwykend is oor geldsake of jy dink hulle probeer jou opsetlik daarvan weerhou om die waarheid oor die saak uit te vind, het jy beslis ’n probleem. Dit is ’n tyd om in die eerste plek jou instink te volg en dinge eers te glo as jy dit met jou eie oë sien. Nuus van ver af kan skeefgetrek
wees. Moet dus niks as die evangelie aanvaar nie en doen jou eie ondersoekwerk.
Liefde en verhoudings kan ’n teer saak wees, veral as jy op die verdediging is omdat jou heerser, Mercurius, op die 2de begin agteruitbeweeg. Dit kan jou posisie verswak, maar dit kan jou ook om geen rede nie agterdogtig van ander mense se bedoelings maak. Daarenteen kan jou lewensmaat te veel opofferinge maak om die vrede te bewaar sonder dat jy dit raaksien.
Jy voel dalk ontevrede met jou werk en kan nie uitpluis presies hoekom nie. Probeer om nie drastiese besluite te neem wat ’n langtermynuitwerking op jou lewe kan hê nie. As jy boonop voel jy word by die werk die sondebok gemaak, moet jy die kwessie aanroer. Onthou kommunikasie is nie op die oomblik maklik nie. Alles gaan oor tydsberekening.
Jy is in ’n dromerige, romantiese bui en dalk selfs buitengewoon ontspanne. Al is dit nie in jou aard om jou kwesbaarheid te wys nie, sal dit onder sekere omstandighede gepas wees. As jy in ’n nuwe, ontluikende romanse is, moet jy wys wie jy werklik is en daardie emosionele risiko neem. Let daarop dat Mercurius in trurat by jou werkplek ook chaos kan veroorsaak.
Jou lewensmaat het dalk stilstuipe en laat jou wonder wat aangaan. Neem in ag hul heersende planeet, Mercurius, begin op die 2de agteruitbeweeg, en dit laat hulle aan hulself twyfel. Die liefdesdiva, Venus, word boonop rondom die 3de deur Neptunus se mantel in geheimenis gehul, en dit bring nog meer verwarring mee. Laat dinge eerder begaan en vanself regkom.
Jy hanteer nie vaagheid van mense goed nie, want jy is ’n reguit mens sonder fieterjasies. Maar kommunikasie is in geheimenis en intrige gehul. En met dié dat Mercurius, die planeet van kommunikasie, ook agteruitbeweeg, sit jy dalk later hande in die hare. Pleks van ingryp om die kwessies te hanteer, moet jy eerder met die stroom saamgaan en kyk waar jy uitspoel.
As iemand jou heuning om die mond smeer om geld uit te gee, moet rooi vlaggies opgaan. Jy wil die beste in almal sien, maar die wêreld is vol gewetenlose mense. As jy in elk geval twyfel oor ’n belegging of iets, moet jy nie nou raad vra nie en dit tot ’n beter tyd uitstel. Dit is ook nie nou tyd om ’n kontrak te onderteken nie. Wag net geduldig.
Jy is waarskynlik taamlik beïnvloedbaar omdat Venus en Neptunus in jou teken saamspan. Jy is immers ’n sagte mens wat dit vir ander mense maklik maak om jou te laat skuldig voel. Daarom moet jy jouself beskerm teen diegene wat jou emosioneel of andersins probeer misbruik. Kry ’n tweede mening as jy op die punt is om ’n belangrike dokument te onderteken.
DIE RAM IN DIE SPIEËL
Oefening hou jou fiks, maar is ook ’n uitlaatklep vir jou woede. Jy moet vir spoedboetes begroot. Jy is geneig om mense die harnas in te jaag. Jy is ’n adrenalienslaaf. Jy het waarskynlik ’n litteken aan jou lyf en is trots daarop.