Nuut op die kassie
Van skreeusnaaks tot skokkend – hierdie flieks en reekse op die kleinskerm is trots Suid-Afrikaans
Deur LUCIA POOLMAN & ELRI BOUCHER ONS MENING
Wie raak nou nie opgewonde wanneer daar van trou gepraat word nie? Veral in Brakpan. Die fliek Brakpan-bruilof is een van kykNET se flieks met Willie Esterhuizen as die skrywer en regisseur.
Dit gaan oor Aletta (Lara Lourens) wat met alle mag wil trou voor sy 30 word. Sy is behep met werklikheids- en maatsoekprogramme en kan alles vir jou vertel van Boer soek ’n vrou (sy het immers drie keer ingeskryf), Op my eish! en Amerikaanse treffers soos Love is Blind en Say Yes to the Dress.
Sy het haar visier ferm op die werktuigkundige
Boetie Bouwer (Kaz McFadden), en sy gaan hom kansel toe sléép as sy moet.
Die fliek is tipies wat jy van Willie kan verwag, en laat jou terugdink aan reekse en flieks soos Orkney snork nie. Daar is ’n paar kwinkslae en grappies wat jy gaan geniet of wat jou jou oë gaan laat rol, maar dit bring tog nostalgie terwyl dit ook wys die lewe is nie altyd so maklik soos werklikheidsreekse dit laat lyk nie.
Jy hoef glad nie te veel te dink terwyl jy dit kyk nie, maar luister ’n bietjie na al die karakters se kleurryke byname – dit klink soos ’n fliek op sy eie.
Diewoorde Die woorde vanMarno van Marno vanderMerwe van der Merwe se karakter aan die einde is stroperig, maar sluit die fliek perfek af. En die duik in Boetie se blou Bantambakkie is so tipies – hy werk met ander se karre, maar syne het ’n hou weg. Nes sy ego nadat dat sy meisie hom verkul.
■ BRAKPAN-BRUILOF WORD SATERDAG 30 0 MAART OM 20:00 OP KYKNET (DSTV-KANAAL 144) UITGESAAI. TGESAAI.