SRI LANKAANSE HOENDERKERRIE
GENOEG VIR 4-6 MENSE / BEREIDING EN GAARMAAK: 1 UUR
3 knoffelhuisies, geskil
2 groot (400 g) bruin-uie, gehalveer
5 cm-stuk vars gemmer, geskil en in skywe gesny
1,6 kg hoender (sien wenk)
60 ml (¼ k) ekstrasuiwer olyfolie
2 takkies kerrieblare, gestroop
15 ml (1 e) kerriepoeier
5 ml (1 t) brandrissievlokkies
1 x 400 g-blik fyngekapte tamaties
1 x 400 ml-blik klappermelk 15 ml (1 e) suiker 10 ml (2 t) sout
VIR VOORSIT
gestoomde rys of rysvermicelli-noedels Asiese groente lemmetjiewiggies
1 Plaas die knoffel, uie en gemmer in die bak van ’n voedselverwerker en pols tot fyn. 2 Sny die hoender met ’n swaar mes of kombuisskêr in 10 stukke. Ons het die volgende gebruik: twee boudjies, twee dye, twee vlerkies en twee halwe borsies aan die been, elkeen oorkruis middeldeur gesny. 3 Verhit 15 ml (1 e) van die olie in ’n groot swaarboompan oor matige hitte. Braai die helfte van die hoenderstukke met die velkant na onder tot bruin. Skep in ’n bak. Herhaal met nog 15 ml (1 e) van die olie en die oorblywende hoender. Skep in die bak.
4 Plaas die oorblywende olie, die uiemengsel en kerrieblare in die pan en roerbraai tot sag en geurig. Voeg die kerriepoeier en brand rissievlokkies bye n roerbraai nog 1 min. of tot goed gemeng. Skep die hoender, behalwe die borsstukke, terug in die pan saam met enige sappe in die bak. Voeg die tamaties, klappermelk, suiker en sout by, bring tot kookpunt en laat prut 20 min. oor matig-lae hitte. Voeg die borsstukke by en laat prut nog 10 min. of tot die hoender tot op die been gaar is. Roer gereeld sodat die sous nie aan die bodem van die pan kleef nie.
5 Vir voorsit Sit die kerrie voor saam met die rys of rysvermicelli-noedels, Asiese groente en lemmetjiewiggies. Die kerrie kan gevries word. Dit is nie geskik vir mikrogolf nie.