WAT OM TE WEET OOR UITKEERPOLISSE
Uitkeerpolisse bied ’n gewilde manier om vir kinders se opvoeding te spaar, maar is dit altyd die beste keuse?
1 HOE WERK DIT?
Dis beleggings wat ná ’n vasgestelde tyd die opbrengs aan jou uitkeer. Jy kan maandelikse premies of ’n eenmalige bedrag betaal. En jy kan kies hoe jou geld belê word, byvoorbeeld meestal in aandele, eiendom of effekte.
Die kontraktydperk wissel van vyf tot 15 jaar. Dit sal uitbetaal op die vervaldatum of wanneer die polishouer sterf. Sommige het ’n premie kwytskelding ingeval die polishouer sterf. Die versekeringsmaatskappy s aldan die oorblywende premies betaal.
Belasting op uitkeerpolisse gedurende die kontrak tydperk word deur die beleggingsmaatskappy afgetrek. Om dié rede word die uitkeerbedrag nie belas nie.
2 DIE VOORDELE
◗ Dit moedig jou aan om gedissiplineerd te spaar. Omdat jy vir ’n vasgestelde tydperk belê, is jou toegang tot die geld beperk. Gewoonlik word jy net een onttrekking in die eerste vyf jaar toegelaat, en daardie bedrag word beperk.
Onthou Vra vooraf hoeveel spaargeld jy sal kan onttrek en wanneer.
◗ Dit word gestruktureer om vir die kind te sorg. Dis indien iets met die ouer of belegger gebeur, sê Henk Appello van Liberty. As jy premie kwytskelding het, sal die versekeringsmaatskappy die premies vir die volle polistydperk betaal. So kan die kind die volle beplande beleggings voordeel kry. Sommige polisse het bykomende voordele wat die kind se opvoeding sal dek bo en behalwe die ouer se belegging.
Wanneer die polishouer sterf, word die polis deel van die oorledene se boedel, maar dis nie onderhewig aan boedel administrasie nie.
Jy betaal dus geen eksekuteursfooie daarvoor nie. Dus kry die begunstigde die spaargeld vinniger.
◗Dit bied belastingvoordele vir sommige. Die inkomste belastingkoers op’ n uitkeerpolis is 30%. As jou persoonlike inkomstebelastingkoers me eras 30% is, sal die opbrengs laer belas word.
3 DIE NADELE
◗ Die uitkeerfooie kan hoër wees as dié van ander beleggings. Slegs 0,5% sal mettertyd jou opbrengs verklein.
◗ Dis nie baie likied nie. Aangesien jy vir ’n vaste tydperk belê, het jy beperkte toegang tot die spaargeld. Daar kan boetes wees as jy jou polis voor die vervaldatum kanselleer. Vra vooraf wat die boete sal wees as jy die uitkeerpolis voortydig kanselleer.
◗ Dis nie so belastingvriendelik nie. As jou persoonlike inkomstebelasting teen minder as 30% belas word, sal jy meer belasting betaal vir die opbrengs op die uitkeerpolis a smet’ n gewone effektetrust belegging.
4 WAT IS DIE ANDER OPSIES?
Effektrusts kan jou dikwels dieselfde opbrengs teen laer fooie bied. Maar jy moet gedissiplineerd wees om by die beleggings tydperk te hou, want effektetrusts is likied. Jy kan du sjou beleggingsgeld onttrek wanneer jy wil.