Die wêreld se grootste verkiesing ooit
INDIË se komende verkiesing gaan die grootste een wees wat die wêreld al ooit beleef het. Die vorige grootste verkiesing was ook in Indië, in 2019. Dié Asiatiese land het die grootste bevolking in die wêreld – 1,4 miljard (1,4 duisend miljoen) mense en omtrent 969 miljoen van hulle is stemgeregtig. Dit is sowat 150 miljoen meer as in 2019. (In Suid-Afrika het net sowat 27 miljoen mense geregistreer om vanjaar te stem.)
SOVEEL OPSIES!
Tydens die vorige verkiesing in 2019 was daar 8 000 kandidate wat Indië se sowat 2 660 politieke partye verteenwoordig het.
Uit die kandidate word 543 lede vir die laerhuis van hul parlement (sien Woord van die Week) gekies. Dit staan bekend as die Lok Sabha, oftewel huis van die mense.
Die Lok Sabha verkies die eerste eersteminister minister van Indië, Indië wat die hoof van die uitvoerende deel van die regering is. Indië het ’n tweekamerparlement, met die hoërhuis wat as die Rajya Sabha bekendstaan.
LAAANG VERKIESING
In die meeste lande vind verkiesings op een dag plaas, en dan word die stemme getel. Maar omdat daar so baie mense is wat moet stem in Indië, en die magdom stemme getel moet word, vind hul verkiesing oor ses weke plaas. Vanjaar se verkiesing duur van 19 April tot 1 Junie. Die uitslae sal op 4 Junie bekendgemaak word.
Indiese wette vereis dat daar stemlokale binne 2 km van elke kieser moet wees. Vir vanjaar se verkiesing is meer as ’n miljoen stemlokale gereed gekry, en 15 miljoen mense gaan daar werk.
Mense bo 80 kan uit die gemak van hul eie huis stem.
Indië gebruik sedert 2004 slegs elektroniese stemme. Kiesers gaan vanjaar deur middel van 5,5 miljoen elektroniese stemmasjiene stem.
Elke politieke party word deur ’n simbool voorgestel. Dit dateer van 1951 toe 80% van die bevolking ongeletterd was. Dit was makliker om ’n politieke party met ’n simbool te vereenselwig. Dis soos die kenteken van maatskappye.
Die partye p y kan nie self kies watter wa simbool hulle voorstel nie. Die Indiese Verkiesingskommissie neem daardie besluit. As ’n simbool aan ’n party toegeken word, bly dit vir altyd hulle s’n. Dit kan nie aan ’n ander party oorgedra word nie.
Daar word voorspel dat Narendra Modi se Bharatiya Janata Party die verkiesing sal wen en hy die derde keer agtereenvolgens tot eerste minister verkies sal word.