UBOPHE IFINDO U-REGGIE NKABINDE
ISIKHULU semabala Noise sibophe ifindo likasofa silahlane nesinqandamathe saso ubeauty Matela phambi kwedlanzana lezethameli elynton Hall, epennington, ogwini oluseningizimu yekwazulu-natal izolo.
Umshado uqale ligamenxe ihora lesibili ntambama. Kuqale ngokutheleka kwezimpelesi zikankabinde zehla emotweni ebipakwe phambi kwetende elimhlophe. Ngemva kwazo kulandele yena ureggie egqoke isudi enombala ompunga noyigolide eyakhiwe yaba uhlobo okuthiwa yi-eastern Suit okusho ukuxhuba imisiko yasendiya neyesintu”. Ngemuva kwabo kube sekungena izimpelesi zikamakoti ezifike zihamba ngemeserati ziphethe izimbali zihamba ngokuhlukana. Kube sekulandela umakhosazana Nkabinde oyindo- dakazi kareggie ehamba echela izimbali abebuye ashaye ngazo ebebethi bayameluleka ukuthi azichithe kanjani
Kube sekwehla umakoti ephethwe ubent Motela eya komnikezela kureggie obeselinde eduze komfundisi wafika wamemukela bahamba naye bephikelele kumfundisi.umshado ubuhlelwe ngokusezingeni eliphezulu njengoba ubuthi ufika nje wamukelwe ngeziphuzo ezinhlobonhlobo nezithelo eziluhlaza. Kunenqwaba yezintokazi nezinsizwa ebezilokhu zizulazula ematafuleni zibheka ukuthi ngabe ihambeli zisenakho yini okuphuzwayo. Ezokuphepha beziqinisiwe njengoba ubungakwazi ukungena esangweni lingekho igama lakho. Izinsizwa ezimbili ezisebenzela Ithunzi Proctetion Services bezenza isinqiniseko sokuthi kudlula obhaliwe. Lokhu bebekwenza ngoba bethi batshelwe ukuthi umutu ongekho ohlelweni ngeke abenayo indawo. Bekulindele abantu abawu 350 ematafuleni awu 35 kuhlala abalishumi etafuleni ngalinye. Ebusuku bekulindeleke kusikwe ikhekhe ( elisesithombeni) bese namuhla kuqedelwe ngomngcagco wesintu emzinto esigodini umgqangala.