SIPHENDULA IZINKINGA:
UMBUZO: SINOMUNTU wami siyaxabana njalo uma ngabe ngizithwele, kuze kufike ekutheni kulimale ingane engenacala. Ngiyesaba ukuthi nalena engiyithwele ingahle ilimale ngoba akukho ukuzwana phakathi kwami noyise wayo okwenza ukuba ngibe nengcindezi bese isisu siphuphuma njengoba kuke kwenzeka phambilini.
Ngicebise noma kumele uma ngikhulelwe ngihlale kude naye?
IMPENDULO: kodwa inesibindi sokungiphathisa ngenhliziyo ebuhlungu mina ngibe ngiyibekezelela. Siza pastor.
IMPENDULO: KUNZIMA dadewethu ngoba awuchazi noma nishadile noma niyazijolela nje. Kodwa-ke uma kunenkinga phakathi kwabantu ababili, kufanele kuqale kube yibona abazama ukuyilungisa.
Uma ingalungi-ke seningadlulela kwezinye izindawo eningathola kuzo usizo. Uma nishadile kungakuhle nizame ukuthola umfundisi owanishadisa noma omunye enimethembayo anisize ekuyixazululeni le nkinga. Ningayedlulisela futhi nasemindenini yenu, idingidwe kuphume isixazululo.
Ngicabanga ukuthi uma ningashadile kulula ukuba uthathe isinqumo - phela iqiniso wukuthi awukwazi ukuhlala emjolweni ungasathokozile. Ukuphuma emjolweni kulula kakhulu ngoba akukho lutho olutheni ongesaba ukuthi luzokulahlekela.