NGIHLUKUNYEZIWE

Ilanga langeSonto - - Imibono -

MHLELI: Ngihlangabezane nenkinga kwesinye sezitolo zabahwebi basechina ngakithi emtuba ngenyanga efile, ngiyalelwa ukuba ngikhokhele inkomishi ewile emashalofini akhona.

Kwale noma ngithi uma bethi angiyikhokhele le nkomishi ngincamela ukungaqhubeki nokukhokhela okunye obekusenqoleni, wabelesela owesimame wakithi ongunogada kulesi sitolo, esho khona ukuthi ngizowuchama ngiwuphuze uma ngingazama ukunqaba ukukhokha.

Uma ngizama ukucela umphathi wathi lo mama nguyena oyimenenja, ngazama ukumchazela kodwa kwanhlanga zimuka nomoya, ngagcina ngikhokha ngayithatha leyo nkomishi.

Namanje uma ngiyibuka ngivele ngihlukumezeke ngoba ngikholwa wukuthi akukho emthethweni ukukhokhela impahla efe usengaphakathi esitolo. Ngidinga ukusizakala ukuze ngixole. Ngikholwa wukuthi sebebebaningi abathengi abathola ukuhlukumezeka ezweni elikhululekile.

Newspapers in Zulu

Newspapers from South Africa

© PressReader. All rights reserved.