ISIKHULU SIFAKE U-ESKOM ENKANTOLO
INKAMPANI yakwa-eskom ngoLwesihlanu ifakwe ngumatshela Koko enkantolo yezezisebenzi ngenhloso yokuphikisana nesinqumo sayo sokunqamula inkontileka yakhe yomsebenzi ngenxa yemisebenzi yesamba esibalelwa ku-r1 billion eyayinikwe indodakazi yakhe kule nkampani.
Okhulumela le nkampani ukhulu Phasiwe uvumile ukuthi ube nomhlangano nomqondisi uphakamani Hadebe ngolwesine lapho evalelwe khona ekhoneni ukuthi athathe isinqumo sokuthi uyesula emsebenzini noma uyaxoshwa. Kukho kokubili akunikiwe akavumanga lutho wakhetha ukuya enkantolo. Lesi sikhondlakhondla senkampani kagesi esibhekene nezinkinga siphinde saxosha udhiraj Bhimmaç obeyi General Manager of Outages obeseyisikhulu sesine ukuthi sixoshwe esontweni elilodwa kule nkampani. Ngolwesibili kwesule u-anoj Singh elandelwa nguprish Govender ngosuku olulandelayo, ngolwesine kwangucharles Kalima. Umnyango wokwesulwa kwezikhulu kule nkampani uvulwe nguzethembe Khoza obengusihlalo webhodi owesule ngolwesihlanu olwedlule.