Iyaqhubeka nesiteleka inyunyana yezisebenzi zasewits
INYUNYANA yezisebenzi inational Union of Metalworkers of South Africa (Numsa) ifunga iyagomela ukuthi izoqhubeka nesiteleka sokufuna kwenyuswe amaholo enyuvesi iwitwatersrand egoli.
Le nyunyana ithi iyazi ukuthi inyuvesi kumele ivule ngoMsombuluko kodwa kulokhu kayizimisele ngokuthi ihlehlele nyovana.
Okhulumela inumsa, uphakamile Hlubi, uthi le nyuvesi iyehluleka wukuphatha izisebenzi njengabantu, izikhokhela nemali ezingakwazi ukuziphilisa ngayo.
Ngaphezu kwalokho ifuna iqede nya ukusebenzisa izinkampani ezifunela abantu imisebenzi.
Izisebenzi zifuna imali yenyuke ngamaphesenti ayi-12% kodwa inyuvesi ibeka etafuleni ayisi-8%.
Le nynyana ifuna izisebenzi ezingama-85 zenkontilaki kube ngezangaphakathi bese kuthi lezo ezihola imali encane zinyuselwe umholo kusukela ku-r7 500 kuya ku-r9 000 ngenyanga.