NAZE NANGIPHOXA BAFANA BEDISTRUCTION BOYZ
HE he he, kanti emhlabeni kunjani ngempela. Icoba amathambo indaba engiyizwile yalaba bafana bedistruction Boyz.
Laba bafana sesibabongele kangaka kanti ingoma yabo “Omunye phezu komunye” kanti intshontshiwe.
Ngiphoxeke kabi uma ngithola ukuthi le ngoma niyintshontshe komunye UDJ. Kanti nibhizi nithi “Omunye phezu komunye” kanti nizisho nina ukuthi niphezu komunye UDJ. Gqamani ngezingoma zenu ngoba ninalo ithalente, niyeke ukuntshontsha - nizofunda umkhuba omubi. WENA Sbahle Mpisane ucabanga ukuthi sizilima thina?
Ufike wabhala ezinkundleni zokuxhumana ukuthi senihlukene noKhune kodwa manje ngiyakubona ukuthi uhluleka nawukuzibamba ezinkundleni zokuxhumana, ulokho ugabise ngale ndoda yakho.
Noma ungaze uzame ukufihla ubuso bayo kodwa siyazi ukuthi ngukhune lo, ngeke nje usidide. Ngisho ungaze ufake ubhozo wakhe kuphela kodwa sizobona ukuthi nguyena. Yekelake ukusenza izilima futhi ngiyakusola usukipitile.