UHUNT UFELE NGAPHAKATHI NG0-GOMEZ

UFELE ngaphakathi ugavin Hunt ongumqeqeshi webidvest Wits ehlule ilamontville Golden Arrows ngo-2-1 emdlalweni we-absa Premiership izolo ngomgqibelo ntambama eprincess Magogo Stadium, Kwamashu.

Amagoli okunqobe ngawo izitshudeni avalelwe enethini ngugabadinho Mhango ngomzuzu wama-29 nolehlohonolo Majoro ngowama-42 kuyiphenathi kwathi ele-arrows

lashaywa ngulimbikani Mzava ngowama-75 kuyiphenathi.

Uhunt uzwakalise ukudumala ngezinqumo ezithathwe nguvictor Gomes obephethe lo mdlalo.

Nokho akathandanga ukukhuluma kabanzi ezeseka ngokuthi ubalekela ukuthweswa icala yipremier Soccer League (PSL) lokuhudulela phansi isithunzi seligi.

Lo nondweba ubeke amaphenathi amathathu kulo mdlalo.

Uknox Mutizwa we-arrows uyigejile eyodwa.

Ugomes uphinde wakhipha amakhadi amabili abomvu kulo mdlalo.

Ukhombe ezindlini zokushintsha ujabu Shongwe weArrows nojames Keene wezitshudeni.

Uclinton Larsen ololonga i-arrows, uthi bazovuka bazithathe ngoba balengela engozini yezembe.

Uthi uzokwenza konke okusemandleni ukuqinisekisa ukuthi baqoqa amaphuzu aphelele emdlalweni olandelayo ngoba basendaweni engeyinhle. Naye wenqabile ukuphawula ngezinqumo zikanompempe.

I-arrows ayidingi ukukhunjuzwa ngobuhlungu bokugencwa yizembe njengoba like layigawula kumasizini ambalwa edlule kodwa yahlala isizini eyodwa kwinational First Division (NFD).

Ibaroka FC ishayane yaze yabukana nechippa United kuba ngu-0-0 koweAbsa Premiership izolo ngomgqibelo ntambama epeter Mokaba Stadium.

Ibaroka isaholwa yisekela lomqeqeshi, umacdonald Makhubedu emidlalweni kwazise ukgoloko Thobejane umisiwe ngezinsolo zokubugaxa ebhasini yekilabhu kubuywa emdlalweni nefree State Stars ekuqaleni kwale nyanga.

Umiswe nonozinti wale kilabhu u-oscarine Masuluke nokaputeni u-olaleng Shaku. Bazovela ekomidini lezigwegwe ngesonto elizayo. Bayaliphika icala.

Imiphumela yemidlalo YENFD imi kanje: Cape Town All Stars 3, Tshakhuma 1; Royal Eagles 1, Uthongathi FC 1; Real Kings 1, Richards Bay FC 0; Mthatha Bucks 1, Pretoria University 1; Black Leopards 2, Mbombela United 0.

Imidlalo YENFD enamuhla ngesonto imi kanje:

Eparow Park: Stellenbosch FC vs Ubuntu Cape Town 15h30.

Evosloorus: Jomo Cosmos vs Highlands Park 15h30.

Egoble Park: Super Eagles vs Witbank Spurs 15h30.