Uribs udalula okuvimbe icwecwe lama-36
Uzoqopha umdlalo kamabonakude ngempilo yakhe
INDLOVUKAZI yomculo wokholo kuleli, urebecca Malope, udalula izinkinga ezimenze wangakwazi ukukhipha i-albhamu yakhe yama-36 nyakenye njengoba esehlela ukuyidedela ezinyangeni ezizayo.
Uribs, njengoba bembiza kanjalo abalandeli bakhe, uyilanda indaba athi:
“Kuthe ngonyaka owedlule ngahlangana nensizwa enekhono, umduduzi Nsibande saqala ukwenza le albhamu.
:Kuthe sesiphakathi nayo saqashwa ukuyocula kwelinye ibandla esprings, egoli. Sivuke kahle ekuseni salungiselela ukuya khona.
"Ngesikhathi sisendleleni siyola- nda umduduzi sithole ucingo luvela entombini yakhe isazisa ukuthi uvele wathi esegqokile ehlezi elinde thina washona.”
“Asikholwanga sonke. Sinikele khona sathola ukuthi usethule ngempela, saxolisa kwabebandla, sababuyisela imali yabo.
"Ngenxa yokuthi bese senze zonke izinhlelo futhi kunguye ungqo- ndongqondo obehamba phambili ngesikhathi siqopha le albhamu ngike ngakumisa ukuqhubeka nokuyiqopha izinyanga ezimbalwa njengoba sengiqhubeka manje,” kubalisa uribs. Urebecca utshele ILANGA
Langesonto ukuthi usebhale umdlalo ozodlalwa ozobe ugabe ngomculo, okhuluma nempilo yakhe.
“Sengihlele ukuthi siqale siqophe le- musical play, sikwethule kahle kokubili ne-albhamu ngosuku olulodwa. Yingakho ngingeke ngisho okwamanje ukuthi le albhamu engiphezu kwayo ngizoyikhipha nini.
"Engingakutshela abalandeli bami nje wukuthi imnandi, iyazoyiza. Ngifisa abantu bazi ukuthi angihambanga etiyeleni ngaze ngafika kuleli zinga esengikulo. Lokho bazokuthola kulo mdlalo esizowuqopha.
"Kunabadlali bakamabonakude engibathandayo engifisa ukuba badlale kuwo, ngeke ngibasho okwamanje ngoba angikakhulumi nabo,” kusho urebecca.
Urebecca usenenkampani yakhe yokuqopha ilehlohonolo Music athi uyiqale eminyakeni emithathu eyedlule.
Ubeseneminyaka engaphezu kwengama-40 eqopha ngaphansi kwezinye izinkampani.
Ubelokhu eluleka abaculi ngokuthi bangajahi ukuzimela bengakaqini ukhakhayi ngoba bazowa.