MALUNGACEKELWA PHANSI ULIMI OKHOZINI FM
MHLELI, sekuyizikhathi eziningana ngiqaphela ukuthi umsakazi ofunda izindaba zehora lokuqala uyathanda ukusebenzisa isisho esifaka esikhuluma ngoku”bamba iqhaza”.
Akoni lutho lokho. Into eyinkinga wukuthi athi “ukudlala iqhaza” noma “ukwenza iqhaza” - ayikho into efana naleyo esizulwini kanti okungicasulayo njengomuntu ongumlaleli nokhuluma isizulu wukuthi kade ngibhalela okhozini ngale nto, aluyilungisi.
Okubi-ke wukuthi izingane ezisafunda ukukhuluma noma ukubhala isizulu, ukhozi ziluthatha njengesikhondlakhondla senqolobane yolimi.
Bakhona ongizwe Mchunu - uma kuyinkinga ukukuqondisa lokhu kumuntu ophathelene nakho mabanike ungizwe adlulise amehlo ngaphambi kokufundwa kwezindaba ebese eyabalungisela, bafunde sebefunda into eqondile.
Angilwi nomsakazi noma nokhozi, engilwa nakho wukucekelwa phansi kolimi.
Thokozani Zulu Sundumbili