Bazocijwa amakhono kwezamabhizinisi
Bahlelelwa ingqungquthela osomabhizinisi basezululand
OSOMABHIZINISI abafufusayo basezululand bazocijiswa ngamasu asemqoka okuzithuthukisa kwezamabhizinisi.
Bahlelelwe ingqungquthela ezobe yenzelwe e-auditorium eseb North, Olundi, mhla zingama-28 kwephezulu lapho bezohlangana khona nabanolwazi lwezamabhizinisi kanye nabanye osomabhizinisi asebethuthukile.
Le ngqungquthela ihlelwa ngabeprofound Resolutions. Kulindeleke izikhulumi okubalwa phakathi kwazo nomnu Gugulethu Xaba we-admopix (PTY) Ltd.
Umnu Xaba ujwayele ukuzwakala okhozini FM eluleka ngezindaba ezithinta amabhizinisi nomnotho. Ezinye izikhulumi ngunkz Lungile Ndlovu wesiyakha Consulting nomnu Musa Myeni oyiceo yemyeni Group.
Le ngqungquthela kubhekwe ukuba yethanyelwe ngabantu abasahlela ukungena ebhizinisini abadinga ulwazi kanjalo nalabo abadinga amasu empumelelo.
Bazothola ithuba lokuxhumana nalabo ase- bephumelele ukuze bazi ukuthi yimaphi amaqhinga adingekayo ukuze ibhizinisi likhule lidlondlobale.
Abahleli bale ngqungquthela bachaza inhloso yayo njengokusiza abafisa ukuba ngosomabhizinisi kanjalo nokufukula labo asebevele bengenile emabhizinisini abafuna ukuzithuthukisa. Ngale kwalezi zikhulumi kuzoba nezinye izikhungo ezisebenza ukuthuthukisa amabhizinisi njengoseda.
Abafisa ukuba yingxenye yale ngqungquthela bangathumelela abahleli i-email ku-info@ profoundresolutions.co.za.