UBUNZIMA BEMPILO BUFUNDISANA NOBUGEBENGU IMBALA
CAN YOU EVER FORGIVE ME? UMQONDISI: Marielle Heller ABADLALI ABAPHAMBILI: Melissa Mccarthy (Lee Israel), Richard E. Grant (Jack Hock) UHLOBO: Biopic/ Comedy/ Drama IMINYAKA: 16 D/L UMHLAZIYI: Zowakha Mbatha
KUNZIMA ukuphelelwa wushatini emsebenzini aziwayo amagalelo akho kuwona nozethembayo ngawo.
Yikho kanye lokhu okwenzeka kulee Israel ongumbhali wezincwadi ezikhuluma ngempilo yosaziwayo futhi ozithandela amakati.
Le filimu isuselwa kokwenzeka ngempela empilweni yalo mbhali obegqame ngeminyaka yama-70’s nama-80’s, nalapho ebhale izincwadi ngosaziwayo abafana nokatherine Hepburn, Estee Lauder nentatheli ebigqamile udorothy Kilgallen.
Ubhekana nenkinga lapho engasekho ofuna ukushicilela izincwadi zakhe ngoba bethi kazishayi emhlolweni, agcine ephenduka “isela” elekelelwa ngumngani wakhe ujack osebenza ngezidakamizwa, besebenzisa imibhalo yabanye abantu abangasekho emhlabeni.
Le nkinga imehlela ngemuva kokubhala incwadi ngo-estee Lauder, agcine esengena ezikweletini, ahlulwe nawutshwala. Untshontsha izincwadi ngalaba abangasekho bese eyazinonga ngezindaba zocansi ukuze zidayiseke ngemali ethe xaxa.
Emuva kokubanjwa, ummeli wakhe umluleka ukuba athole umsebenzi oqondile, alekelelwe ngabakwa-alcoholics Anonymous enkingeni yakhe yotshwala