Uza ethekwini unaomi Campbell wodumo
Uzobe eyisikhulumi esiqavile engqungqutheleni yabesifazane
UZOTHELEKA ethekwini uzime waphesheya kwezilwandle odume umhlaba wonke, ophinde abe yisishoshovu samalungelo abantu, unaomi Campbell
( osesithombeni), lapho ezocobelelana khona nabesifazane base-afrika abavela emikhakheni eyahlukene. Unaomi umenywe njengesikhu- lumi esiqavile engqungqutheleni, iforbes Woman Africa Leading Women Summit, ehlelwe nguhulumeni wakwaZulu-natal, ezobe yenzelwe enkosi Albert Luthuli International Convention Centre (ICC) ngomhla ka 8 kundasa (March).
Le ngqungquthela izobe isingethwe wuhulumeni wakwazulu-natal.
Umethil Renuka, ongumhleli omkhulu weforbes Africa neforbes Woman Africa, uthe bazizwa behloniphekile ngokwamukela unaomi ekubeni yingxenye yale ngqungquthela yaminyaka yonke, ezobe yenzeka okwesine nonyaka.
Ungqongqoshe wezokuthuthukiswa komnotho nezokuvakasha KwazuluNatal, umnu Sihle Zikalala, uthe bamemukela ngezandla ezimhlophe unaomi. Wathi bakulindele kakhulu ukuba nengxoxo naye ezihlokweni ezahlukene ezizoba nomthelela omuhle kwabesifazane.
Uqhube wathi bayaziqhenya kakhulu ngokuqokwa kwesifundazwe ukuba sisingathe lo mcimbi, wathi lokho kuzonikeza ithuba lokuqhakambisa amathuba ezamabhizinisi kanye nobuhle besifundazwe.