ABALAXAZE I-METRO FM BAKHONJWA KWIGAGASI FM
BAKHONJWA kwigagasi FM abasakazi abalaxaze imetro FM muva nje UDJ Naves (Lebogang Naves) nosphectacula (Siphesihle Ngwenya), abadume ngelekings Of The Weekend (KOTW), abebegcina kulo msakazo izolo.
Nakuba bona bezichitha lezi zindaba kodwa umthombo othembekile waleli phephandaba uthi impela balibhekise egagasini.
Okubhebhezelisa lezi zinsolo wukuthi sekube nemibiko yokuthi vele kuyaphela ngohlelo lwantambama kulo msakazo (Gagasi FM), olwenziwa ngutp nothandolwethu njengoba kulindeleke kumenyezelwe izinguquko ezizoqala ngonhlangulana (June).
Uthandolwethu kuthiwa ugwaza ukhalo, ulibangise kwamakhelwane, kwivuma FM kanti ekatp kayikacaci.
I-KOTW imemezele kuleli sonto ukuthi iyashiya kwimetro FM okubukeka ithwele kanzima (Metro FM) njengoba isilaxazwe yizigansonso kwezokusakaza muva nje. Laba abashiye kamuva bebenza uhlelo olunedumela ngomgqibelo kusihlwa (18h00-20h00) ithe Preparty.
Umthombo wela
NGA Langesonto uthi laba kabayi nhlobo kwitouch HD njengoba bese kunalezo zinsolo.
Kumangaze abaningi ukushiya kwabo njengoba bese sidlulile isikhathi sokuvuselelwa kwezinkontileka emetro FM nokwenza ziqine izinsolo zokuthi impela babheke kwigagasi FM ngoba ezakhona izinguquko zisesendleleni.
Ethintwa yileli phephandaba UDJ
Naves, uthe ungena ebhanoyini, wangafuna nokusho ukuthi uya ngaphi nezwe, uvele waqhephuka yinsini uma ebuzwa ngalolu daba.
“Kawukho umsakazo esiwujoyinayo ngoba sisafuna ukugxila enganeni yethu entsha okuyi- club, i-icon, esoweto, (egoli), siziqhubekele nebhizinisi lethu lo mculo.
“Emetro FM bese sihlale isikhathi eside senza into eyodwa, mhlawumbe siyobuye siphindele eminyakeni ezayo uma besasidinga. Zikhona zona izicelo esike sazithola kodwa kabekho esisavumelane nabo,” usho kanje eqhuma yinsini uma ebuzwa ukuthi bake baba na nezingxoxo negagasi FM.
Uthi bashiye emetro FM ngoba besafuna ukushaywa wumoya.
Umnu Khulekani Shandu, okhulumela igagasi FM, ume kwelokuthi bazomemezela uma isikhathi sesibavumela ngokuzokwenzeka ngonhlangulana (June).
“Sizomemezela ngasekupheleni kukanhlaba (May) ngokuzokwenzeka ezinhlelweni zethu ngoba zonke izinhlelo ziyabhekwa uma kubuyekezwa izinhlelo. Ngeke ngiphawule ngohlelo olulodwa (esho olwantambama),” usho kanje.
Wale waphetha nokuphawula ukuthi laba ababili bake baxoxisana yini nabo, wathi akanalwazi. zowakha@ilanganews.co.za