BUYINKINGA KAKHULU UBUTSOTSI OBUHLANGENE NAMAPHOYISA
SLEEPLESS UMQONDISI: Baran bo Odar ABADLALI ABAPHAMBILI: Jamie Fox (Vincent Downs), Michelle Monaghan (Jennifer Bryant), Dermot Mulroney (Stanley Rubino), T.I (Sean Cass), Scoot Mcnairy (Rob Novak), Gabriell Union (Dena Smith), David Harbour (Doug Dennison) UHLOBO: Crime Drama IMINYAKA: 16 L/V
CABANGA amaphoyisa akhohlakele, ucabange indoda engenza noma yini ukusindisa indodana yayo. Udowns uyiphoyisa eliphakathi kwembokodo netshe ngoba ngakolunye uhlangothi yila maphoyisa ayinkinga kanti ngakolunye yizigelekeqe eziphethe amacasino.
Kuthi uma izinto ziqala zibheda kade kubanjwa inkunzi, kubhede yonke into, izigelekeqe zithumbe indodana kadowns.
Kumele enze noma yini ukuze ayisindise kodwa angangeni futhi otakwini lokuphenywa, ziboshwe nezigebengu.
Udowns nocass bavolontiya ukuphenya icala lokubanjwa kwenkunzi ngoba befuna ukufihla awabo amanyundululu okwebiwa kwe- cocaine karubino osebenza nenkunzi yesigelekeqe unovak.
Igxekiwe ezindaweni eziningi ezicubungula amafilimu, hamba nawe uyozibonela. Ingene kuleli sonto e-cinema. ISAZIHOLA phambili IFAST and FURIOUS ngokubukwa kakhulu nokufaka imali selokhu iqalile ukungena e-cinema. Khumbula phela ifike yahlala esicongweni ngempelasonto yokuqala kanti namanje isaqhwakele njengoba bese ifake R 38 805 160 ngempelasonto edlule yomhla zingama-21-23. Lumi kanje uhlu lwayishumi abesahamba phambili ngokubukwa ngokohlu lwabakwaster Kinekor Entertainment:
1. FAST AND FURIOUS 8 2. BEAUTY AND THE BEAST 3. BOSS BABY 4. SMURFS THE LOST VILLAGE 5. JOHN WICK: CHAPTER TWO 6. GHOST IN THE SHELL 7. KEEPING UP WITH THE KANDASAMY’S
8. SILENCE
9. KONG: SKULL ISLAND 10. TABLE 19