KNOWLEDGE SIMELANE

UMCULI : ABONGILE MANGALA ISIHLOKO : THE LIFT OF LIFE UHLOBO LOMCULO : MOTIVATION

UNYAKA : 2017 AMAPHUZU : 7/10

IZINKULUMO zale nsizwa ziyakha, zivula ingqondo zivule, ngisho amehlo, zinikeza ithemba kwelibalahlekele. Kule albhamu wethulwa yisilomo somsakazi woKhozi FM UDJ Sgqemeza lapho esho khona ukuthi leli ciko latholwa ngulinda Mr Magic Sibiya esesokhozini.

Ukhuthaza abantu ukuba bangazenyezi ngabayikho nokuthi baningi abantu abaphila nezimfihlo okuthi uma ubabheka ucabange ukuthi bangcono ngoba ungazi ukuthi baphetheni.

Iyatholakala le albhamu ezitolo noma kushayelwe kule nombolo kamakhalekhukhwini ethi:

078 593 7296. UMCULI : WINNIE MASHABA ISIHLOKO : DILO TSA LEFASE UHLOBO LOMCULO : GOSPEL UNYAKA : 2017 AMAMPHUZU : 7/10

UBUYE ngezinkani uwinnie Mashaba ongesiye umafikizolo kulolu hlobo lomculo. Le ntokazi idle ngezingoma ezingamakhorasi ezishukumisayo. Isikhathi esiningi icula ngolimi lwesisuthu. Iphimbo layo ligcotshiwe. Umculo walo uhlangene, uthule du. Lena yialbhamu yokuthengwa.

Ziyi-13 sezizonke izingoma, zilandelana kanje: Re di shapela Moreneng, Ke tla bots Messiyah dilo tsa lefase, Ke nyorilwe, Ditheto, Oh Modimo yo Mosa, Wena ngwanaka, Ndinika mehlo, Ba nketsang hampe, Re se lebale go Rorisa, Ophuzayo, Hallelujah Jeso ke Morena, Bokang Modimo nethi Wena ngwanaka Intruments. 0760 660 928 - yinombolo yakhe lena. UMCULI : MANGETHE ISIHLOKO : JESUS IS THE KEY UHLOBO LOMCULO : GOSPEL UNYAKA : 2017 AMAPHUZU : 6/10

UYASHAYA umangethe, ukubiza ngephimbo lakhe elinosizi. Ucula ngendlela enesizotha. Nokho abamqophele umsebenzi wakhe baphundulekile kwaqopheka ingoma eyodwa esihloko sithi “Uyingcwele”, zonke ezinye zisale emshinini wokugaya.

Ngokombhalo ongaphandle kwi-albhamu zilandelana kanje: Jesus is the key, Izono zami, Uyangihola, Uyingcwele, Ngimbonile, Thelumoya, Ngethemba umsindisi, Glorify Jesus, Uthando asiphe lona, nethi Ujehova unginqobele. Nayi inombolo kamakhalekhukhwini atholakala kuyona 084 356 1066, uma kukhona onemibuzo ngokutholakala kwe-cd. UMCULI : CLOVE NOM UHLOBO LOMCULO : AFRO JAZZ

UNYAKA : 2017 AMAMPHUZU : 5/10

INGENISILE le nkosazane kulolu hlobo lomculo ongadayisi kepha ohamba negazi ofuna abantu abangamaxhwele omculo we-jazz. Ihamba ezinyathelweni zosaziwayo olira nabanye. Ishaya kamnandi yona intokazi futhi itshengise isibindi ukusukela lolu hlobo lomculo.

Ziyi-12 izingoma kule albhamu, zilandelana kanje: Madison avenue, Naledi, Uthingo, Amandla, Kholwa, S’thandwa sami, Summer love, Yizwa, Siyameruza, Ndize kuwe, nethi Chasing shadows. Iyatholakala ezitolo ezahlukahlukene iningizimu Afrika yonkana. knowledge.simelane@ilanganews. co.za