Sigqugquzela abasechibini ukuba bakhiphe icwecwe
SIKHUTHAZA abazalwane bebandla lest Johns Apostolic Faith Mission elaziwa ngebandla laseChibini noma elikababa umasango ukuba liqophe umculo walo odlalwa ngamacilongo nokhehlegume.
Abayazi kahle lebhendi bazokwazi ukuthi kukhona umlingo okuyo. Leli bandla lidlondlobale selisezandleni zakhe ubaba Petros John Masango odlule emhlabeni ngonyaka we-1984. Bekuthi njalo uma kunemigidi yalo ezindaweni ezahlukene ekatlehong egauteng naseclermont entshonalanga yeTheku nakwezinye izindawo kucace ukuthi uma ingakadlali ibhendi azikenzeki izinto.
Ngibe nehlanhla yokuba ngibe ngomunye wezintatheli ezakhuluma naye siqu sakhe ubaba umasango, evula indlu yesonto emtubatuba eminyakeni ye-1980.ubesekhulile ngokweminyaka kepha bekuthi uma sekusho ibhendi yakhe ancenge kancane eshaya isitephu elandelwa ngabefundisi bakhe ababizwa ngabaruti kubemnandi.
Njengoba umculo wokholo uphilisa emphefumulweni kanjalo nale bhendi yamast Johns umculo wayo ungathoba amanxeba, ubelaphe abalimele emphefumulweni.
Kuzomele amast Johns angafani namanye amabandla axabanayo yize ahlakazeka sekuhambe u-archbishop Masango kepha bathathe ngokuthi ukwanda kwamatroni noma amagatsha kusakhula lona ibandla, kushunyayelwa ivangeli likabab’ umasango osaphila ezinhliziyweni zabo.
Kufanele futhi ibhendi iqambe izingoma ezintsha ukuze lukhule lolu hlobo lomculo ingazenyezi. Ayingadlali kuphela emicimbini yebandla le bhendi, kufanele ibe sezindaweni zonke noma kunemicimbi iqashwe izonandisa.
U-archbishop Masango wake wakhuluma into eyasithokozisa siyiphephandaba ILANGA elincoma ethi alithathi lineke izithombe zamalunga alo uma ezelapha ngokwenqubo yesonto. Yingakho sikhuthaza ukuba umculo wamast Johns utholakale ezitolo ukuze abazalwane baleli bandla bazibusise ngawo.
Kufanele futhi ibhendi iqambe izi...