Ufisa ukuba ngumbhishobhi webandla
UZIMISELE ngokunqoba izinkomishi unkosingiphile Gumede ongunozinti welamontville Golden Arrows engene kuma- semi final enedbank Cup iguqisa iplatinum Stars ngo-1-0 ngeledlule, Kwamashu. Ugumede ujoyine izinhlaka ezincane ze-arrows ngonyaka wezi-2009.
Unyuselwe esikimini esikhulu ngowezi-2014. Uthi i-arrows isikulungele ukulwela izinkomishi kwiPremier Soccer League (PSL). Ugumede ukhulele Kwamas’xha, echesterville entshonalanga yeTheku yize umndeni wakhe uzinze oqaqeni, Kwamaphumulo. UGUmede ufunde ebonela Primary nasebonela Secondary aphothule kuyona u- grade 12. Lo mdlali akabange esaqhubeka nesikole ngenxa yokuxinwa wumsebenzi webhola.
Ngaphambi kokuyokwenza inhlolokhono kwi-arrows ubedlala kwibonela Development kanti uke wagijima nakwifc Chesmas yasechesterville. Ugumede useke wabizelwa kwibafana Bafana kanti ubeyingxenye yesikwati sakuleli sika-u/23 ebesiyodlala kumaOlympic Game ngonyaka odlule, ebrazil. Ingxoxo YELANGA Langesonto nogumede ngempilo yakhe yangaphandle kwenkundla ihambe kanje:-
ILANGA Langesonto: Ukhonza kuliphi ibandla?
Gumede: Ngiyisayoni sokuqina. Ngikhonza ebandleni lasensimbini ecato Manor. Ubaba ungumbhishobhi webandla. Nami ngifuna ukuhamba ezinyathelweni zakhe ngihole ibandla.
ILANGA Langesonto: Uyakholelwa emuthini?
Gumede: Umuthi ngiyakholwa ukuthi uyasebenza. Nokho-ke mina kangiwusebenzisi. Uma ngingajoyina ikilabhu ewusebenzisayo ngeke ngibe nankinga nawo.
ILANGA Langesonto: Basekhona abazali emhlabeni?
Gumede: Yebo basekhona, umama nguthulisile Mavis kanti ubaba ngumpilo Gumede. Ngibabonga kakhulu ngokusikhulisa kahle. Ngeke ngiqambe amanga ngithi ngikhule ngidla imbuya ngothi. Benze konke ukuze sikhule kahle.
ILANGA Langesonto: Nibangaki kwenu?
Gumede: Sibathathu. Kukhona uphilisiwe, uphumzile bese kuba yimina.
ILANGA Langesonto: Usunawo umuzi wakho noma usahlala nabazali?
Gumede: Ngisahlala nabazali ekhaya echesterville. Kuningi engisakulungisa lapha ekhaya. Ngifuna ukuphuma sengazi ukuthi ikhaya selinakho konke okudingekayo. Kangifuni ukuthi nxa sengikwami ngishiye abazali bami
bebalisa ekhaya. Kuningi esengibenzele khona ngemali yebhola.
ILANGA Langesonto: Uhamba ngaluphi uhlobo lwemoto?
Gumede: Ngisebenzisa ipolo 6 engiyithenge ngonyaka wezi-2013.
ILANGA Langesonto: Usunazo izingane?
Gumede: Kangikakabi nazo izingane futhi kangikashadelwa. Nokho-ke ukhona umuntu engihlekisana naye engihlela ukumenza inkosikazi. Ngicela ukuligodla igama lakhe kuze kube ngiqondisa zonke izinto ekhweni.
ILANGA Langesonto: Yimaphi amazwe osuke wawavakashela?
Gumede: Ngike ngaya enamibia, e-angola, enetherlands, ebrazil nasejapan. Ngikujabulele kakhulu ukuba senetherlands ngoba sibuye nolwazi olunothile ngonobhutshuzwayo. Izinto zakhona zihlelekile yingakho bebalwa namazwe ahamba phambili emhlabeni ebholeni. Bengihambe nesikimu se-arrows semultichoice Diski Challenge (MDC) ngonyaka odlule.
ILANGA Langesonto: Iyiphi ikilabhu okhule uzifela ngayo kuleli naphesheya kwezilwandle?
Gumede: Kuleli bengizifela ngeOrlando Pirates kodwa iphume yaphela enhliziyweni yami ingibhabhadisa ngamagoli amabili sibhekene nayo. Bengichazwa ngujoseph “Dukuduku” Makhanya esagijima kule kilabhu. Phesheya ngilandela ireal Madrid yasespain kanti ngihlale ngikujabulela ukubuka ucristiano “CR7” Ronaldo ongumdlali wale kilabhu.
ILANGA Langesonto: Yimuphi
umculo okushaya ngaphakathi?
Gumede: Ngikhonze i-house, owokholo ne- hip hop. Ngithanda u-emtee, uthina Zungu noblack Coffee.
ILANGA Langesonto: Yimuphi umdlalo owuchungechunge owukhonzile kumabonakude?
Gumede: Ngithanda isibaya. Ngikhonze kakhulu umpiyakhe Zungu (odlalwa ngusiyabonga Thwala). Uyakwazi ukulingisa lowa muntu.
ILANGA Langesonto: Ukhona ezinkundleni zokuxhumana?
Gumede: Yebo ngiyatholakala kwifacebook nakwi-instagram kanti nowhatsapp nginawo. Ngisebenzisa isamsung S7.
ILANGA Langesonto: Yini eyokuqala oyenzayo uma uvuka ekuseni?
Gumede: Ngivuka ngigeze bese ngilungiselela ukuya ejimini. Thina esingonozinti siqala ukujima ngo-08h15 bese kuthi abadlali baphakathi baqale ngo-9h00. Umqeqeshi wethu ufuna sisebenze ngokuphindiwe yingakho sisheshe siqale thina ukujima.
ILANGA Langesonto: Uhlele ukwenzani ngemuva kokubeka ethala amakhokho?
Gumede: Akukho esengikuhlelile okwamanje ngoba ngisagxile ebholeni. Ngizogxila kakhulu kwezamabhizinisi. Ngeke ngibaleke ebholeni ngoba ngifuna ukuba wumlolongi wonozinti.
ILANGA Langesonto: Usichitha kanjani isikhathi sakho uma ungekho ekhempini?
Gumede: Ngikhonze ukuzihlalela ekhaya noma ngizihlalele nabangani bami. Nginabangani abaningi kakhulu ngicela ukungabadaluli ngoba kungenzeka kube khona engibakhohlwayo bese bephatheka kabi.
ILANGA Langesonto: Ungazichaza njengomu
ntu onjani kwabakugcina kumabonakude?
Gumede: Ngiwumfana ozithobile okhonze amancoko. Empeleni nje sonke ekhaya sikhululekile futhi singeneka kalula. Angizwani nhlobo nodlame. Ngiyakujabulela ukubona abantu bephila ngokubumbana nokuzwana.
ILANGA Langesonto: Usazimisele ngokubuyela esikoleni?
Gumede: Ngiyafisa ukuqhubeka nezifundo kodwa kunzima. Imidlalo yethu iba phakathi nesonto nangezimpelasonto. Ukujima kuyawukhandla umzimba. Okwamanje ngeke ngikwazi ukufunda ngoba ngihlale ngikhathele. Ingacwila imali yami ngoba kungaba nzima ukuphumelela ezifundweni. Nokho-ke ngizimisele ukuqhubeka uma sengiyeke ukudlala ibhola.
ILANGA Langesonto: Yimuphi omunye umdlalo owukhonzile ngaphandle kukanobhutshuzwayo?
Gumede: Ngiyazifela ngombhoxo, futhi ngiyaya ukuyowubuka uma ngithola isikhathi.
ILANGA Langesonto: Ubani ombona engayihola kangcono iningizimu Afrika phakathi kukaCyril Ramaphosa nonkosazane Dlamini Zuma?
Gumede: Ngibathanda bobabili, kodwa ngingakujabulela ukuthi izwe liholwe ngumuntu wesifazane ngoba banozwelo futhi banothando lwabantu.
ILANGA Langesonto: Uthini umyalezo wakho entsheni yakuleli?
Gumede : iqinise emfu- ihambele kude dakamizwa ziyali- izwe. Kumele kanzima ukufeze- phupho ayo. ingalimazi nxa kukhona engagculisekile
ngakho. Kumele ndweni nezibhubhisa isebenze kisa amaKumele impahla