Bafuna ukuqeda ngombango WENFD
Ithanda ifuna ukuqukula isicoco ngolwesithathu
ITHANDA Royal Zulu esiqalile ukubona ikhenana ihlela ukuyisonga ngolwesithathu iligi kanational First Division (NFD) njengoba kuyiyona eziholayo.
Ithanda izodudulana nemagesi FC kowenfd namuhla ngesonto ngo-15h00 emhlathuze Sports Complex, erichards Bay. Kuzokuthi ngolwesithathu ngo15h00 ibhekane nestellenbosch FC koweligi kuyo le nkundla.
Usifiso “Jomo” Biyela oyisikhu- lu esiphezulu sethanda, utshele leli phephandaba ukuthi bahlose ukuyisonga ngolwesithathu iligi ngokuthi bathole amaphuzu ayisi6 kule midlalo emibili bese ifinyelela esiphethweni indlela yabo ebheke kwi-absa Premiership.
“Njengoba sinamaphuzu angama-50 nje uma sinqoba le midlalo yethu emibili ezayo sizokuba namaphuzu angama-56, la makilabhu angezansi kwethu kangiboni ezokwazi ukufinyelela kulawo maphuzu okusho ukuthi sisethubeni lokuyisonga iligi ngo- Lwesithathu uma nje siyinqoba yomibili le midlalo ezayo esekhaya.
“Umdlalo wemagesi ngeke ube lula ngoba kule midlalo yabo yakamuva kabehlulwa, basefomini.
"Kodwa-ke abadlali bayazi ukuthi kakufanele bayithathe kancane le midlalo emibili ezayo kwazise imqoka futhi ingaguqula impilo yabo.
"Kakukho ukujikela emuva kufanele noma kanjani siwunqobe lo mdlalo ukuze siye kowangolwesithathu sesiyibambe ngesandla esisodwa inkomishi YENFD,” kusho ubiyela.
Uthi ezakhe zizokuya kulo mdlalo wemagesi ngaphandle kukaMphakamiseni Nene odlala esiswini odonsa isigwebo samakhadi aphuzi.
Nokho uthi bonke abanye abadlali basesimweni kakukho noyedwa onenkinga. Amathikithi alo mdlalo abiza u-r15 kanti azotholakala khona enkundleni.
Imidlalo YENFD ehlelelwe ukugijinywa phakathi nesonto iqhathwe kanje:NGOLWESIBILI
E-athlone Stadium: Milano United vs Amazulu 15h00. NGOLWESITHATHU E-athlone Stadium: Cosmos 15h00. Santos vs Jomo
Thanda Royal Zulu vs Stellenbosch FC 15h00.
Eharry Gwala Stadium: Royal Eagles vs Black Leopards 15h00.
Kanyamazane Stadium: Mbombela United vs FC Cape Town 15h00.
E-old Peter Mokaba Stadium:
Cape Town All Stars 15h00.
Emthatha Stadium: Mthatha Bucks vs University of Pretoria 15h00.
Esugar Ray Xulu Stadium: Real Kings FC vs Witbank Spurs 15h00. Magesi FC vs