Isivunywa nayizimbangi isundowns ngeligi
kalula iligi.
Amagoli okunqobe ngawo isundowns abhajiswe enethini nguHlompho Kekana nomajeka Madisha. Le wini ijabulise abalandeli bedowns kwazise bekungokokuqala ngqa iqhwakela kule sizini.
Idowns kuzokuthi kusasa ngoMsombuluko ngo-17h00 idudulane nebidvest Wits koweligi ebidvest Stadium, egoli.
Iwits iya kulo mdlalo nje, nayo iguqise ihighlands Park ngo-2-0 koweligi ngolwesihlanu ebusuku emakhulong Stadium, etembisa.
Umosimane ephawula ngomdlalo abazowugijima newits uthe: “Ngikholwa wukuthi uzocacisa ukuthi ngubani osethubeni loku- nqoba isicoco seligi phakathi kwethu. Ngibona kuzogcina kuwumjaho wamahhashi amabili.
"Sizobona, kodwa lo mdlalo uzokuba nzima.”
Esephawula ngokuhlala kwezakhe okokuqala esicongweni umosimane uthe: “Bese sizame kathathu kodwa izinto zingahlangani. Ngiyajabula ngoba sihlale esicongweni ngesikhathi esifanele lapho ikilabhu isikhuphule izinga. Ngibona emancane kakhulu amathuba okuthi kube khona ikilabhu esisusayo esicongweni, ikilabhu yami kayisafune kudedela mdlalo.
"Ngikholwa wukuthi abantu bazibonele kulo mdlalo we-arrows ukuthi siyizingqwele futhi sidlalisa okwazo.”
Nokho abanye abalandeli bacishe bangawubuka lo mdlalo ngenxa yesiminyaminya ngaphandle kwenkundla.
Kuke kwasuka uthuthuva umdlalo usuqalile abanye abalandeli bengaphandle befuna ukungena ngenkani enkundleni.
Abanye bebewaphethe amathikithi abanye bengawaphethe. Nokho iningi labo belidle amanzi amponjwana ngokweqile kwazise bekuphele inyanga neviki kuholiwe nempelasonto iyinde.
Ngendlela obekuyiyona abanye abashayeli bavele bazipaka noma yikanjani izimoto baphuthuma enkundleni. Abanye belwa bodwa befuna ukungena ngenkani enkundleni.
Ularsen uthi akayiboni into ezovimba isundowns ukuvikela isicoco seligi.
“Ukuvikela isicoco seligi kulele kuyona isundowns kodwa ngokwami kangiyiboni ikilabhu ezoyivimba ukunqoba lesi sicoco. Ibhalanse kuzona zonke izindawo futhi inabadlali abaseqophelweni eliphezulu.
"Kodwa-ke siziyekele thina ithuba lokuyiphazamisa. Sithole amathuba amane alula abengaguqula umdlalo kodwa sawayeka.
"Kuba njalo-ke uma uyeka amathuba kodwa-ke ngijabule ngendlela esidlale ngayo abafana bami benze konke ebengibayalele kona kangikhali ngalutho,” kusho ularsen.