UTHIAGO WELULE INKONTILEKA KWI-BAYERN MUNICH
UQEDE ukuqagela ngekusasa lakhe umdlali webayern Munich yasegermany obemataniswa nekilabhu enkulu yase-england.
Uthiago Alcantara ogijima esiswini kwibayern, odabuka espain, umemezele ukuthi uselule inkontileka yakhe ngeminyaka emine nale kilabhu okusho ukuthi uzohlala kuze kube ngowezi-2021.
Lo mdlali usayina nje, ubeyamaniswa nemanchester City yase-england elolongwa ngupep Guardiola abasuka kude naye.
Kuzokhumbuleka ukuthi ngesikhathi uguardiola eshiya kwibarcelona kumasizini ambalwa edlule uye kwibayern wabe eselanda lo mdlali ukuze azogijima kule kilabhu yasegermany.
Njengoba esekwicity nje, bekubikwa ukuthi uguardiola uzokuphinda lokho athathe lo mdlali amlethe kwicity.
Nokho uthiago uqede ukuqagela enquma ukwelula inkontileka yakhe nale kilabhu.
Lo mdlali uthe: “Umndeni wami nami sikuthokozele ukuba semunich yingakho nginqume ukwelula inkontileka yami nale kilabhu. Ngifuna ukunqoba inqwaba yezicoco nale kilabhu engibona sizokwenza kalula lokho ngoba kunabadlali abasakhula abanekusasa eliqhakazile.”
Imidlalo ye-english Premiership enamuhla ngesonto iqhathwe kanje:
Manchester United vs Swansea City 13h00 (SS3).
Everton vs Chelsea 15h05 (SS3). Middlesbrough vs Manchester City 15h05 (SS5).
Tottenham Hotspur vs Arsenal 17h30 (SS3).
Eyespanish La Liga ihlelwe kanje:
NAMUHLA NGESONTO Osasuna vs Deportivo La Coruna 12h00 (SS12).
Real Betis vs Deportivo Alaves 16h15 (SS12).
Eibar vs Leganes 18h30 (SS12). Celta de Vigo vs Athletic Club 20h45 (SS4 nakwiss12).