INGQAYIZIVELE YETHUBA
UDJ Black Coffee, osezakhele igama nasemazweni aphesheya kwezilwandle, usevulele ODJ baseningizimu Afrika ithuba eliyingqayizivele, elingabathatha libabeke ezingeni akulona naye. Wethembisa ukubanikeza isiteji endaweni yobumnandi esiqhingini i-ibiza, ngenhloso yokuba babonakalise ikhono labo.
ISIHLABANI sikadj esesidume umhlaba, ublack Coffee, sivulele ODJ baseningizimu Afrika ithuba eliyingqayizivele lokuyozibonakalisa e-ibiza, kusukela ngoNhlangulana (June), kuya kumandulo (September) nonyaka.
U-black Coffee, ogama lakhe langempela ngunkosinathi Maphumulo, emcimbini we-axe obusebraamfontein, egoli, kuleli sonto umemezele ukuthi kusukela zintathu kunhlangulana uzobe ezinze e-ibiza edlala njalo ngemigqibelo kuze kuphele umandulo.
Uthi kule Migqibelo uzimisele ngokuvulela ODJ bakuleli inkundla, bakhombise ngekhono labo, bajabulise abantu.
“Lapha eningizimu Afrika sidume ngobuntu ngakho kuhle ukuba uma ikhona indlela yokusiza omunye umuntu umsize. Ngiyabanxusa ODJ ukuba balisebenzise leli thuba ngokuba baxhumane nami ngalokhu ukuze bakwazi ukukhula nabo baveze ikhono labo endaweni efana neIbiza ethathwa njengesizinda somculo we- house,” esho.
U-black Coffee ukubeke kwacaca ukuthi nakuba ezobe evule izandla ukusiza ODJ bakuleli kodwa bazozithwalela izindleko zokufinyelela e-ibiza.
“Okwami wukuvula ithuba bese kuba kubona ukuthi balisebenzisa kanjani leli thuba,” kusho lo DJ ohlabane ngendondo yebest International Act kumabet Award.
Uthi nakuba ehlabane nale ndondo kodwa uyafisa ukuba umculo wakhe ungaqhathwa emunxeni weworld Music kodwa uqhathwe eqoqweni elilodwa noworihanna nojay Z.
“Ngiyafisa ukuba seqoqweni elilodwa nabo ukuze ngizibone ukuthi nebala sengiphumelele,” kuqhuba ublack Coffee.
Kulo mcimbi obusegoli ublack Coffee umenyezelwe njengozosebenza nesiqholo i-axe ekutholeni UDJ ovelele.
Lo DJ udalule ukuthi uyakujabulela ukusebenzisana nalesi siqholo futhi kusenhliziyweni yakhe ukuthuthukisa labo abeza ngemuva kwakhe.