Igcokama lihlasele intatheli YELANGA
EZOSAZIWAYO: Ibisemngcwabeni Kwanongoma
Ubesho ukuyiqeda umculi kamaskandi igama lakhe eselithinteke ezigamekweni eziningana ezimbi. Intatheli, umthobisi Sithole, ibiyosebenza emgcwabeni womlandeli kamaskandi, usalabemkhuluma Xulu, oshone ngesonto eledlule kusuka izibhelu emcimbini obizwa ngokuthi yinqokotho Maskandi Festival.
Umngcwabo ubukwanongoma, esigodini ivuna izolo ngomgqibelo. Ngesikhathi kuqhubeka umgcwa- bo kunikezwe abaculi ithuba lokuba bavalelise kumufi. Kuqale kwakhuluma ungiga, kweza ujayiva, kwalandela umjikijelwa no-ali Mgube, kwavala igcokama ebeselike lazama ukukhuluma laxakwa yisibibithwane layeka.
Bathe beqeda izintatheli ZELANGA zabe sezicela ithuba lokhuluma nabo. Isicelo samukelwe ngumjikijelwa no-ali Mgube, basidlulisela kwabanye nebala baphumela bonke emnyango.
Ngesikhathi kufikwa emnyango umthwebuli ucele isithombe sabaculi behlangene ngenkathi intatheli ihloma umbuzo kumjikijelwa. Igcokama likhombise ukungakuthakaseli ukuba sesithombeni ebesihlelwa wumthwebuli waleli phephandaba, labonakala lisuka lijikela ngemuva kwentatheli.
Umjikijelwa ubesaphendula umbuzo wentatheli othi, njengoba indaba yase-east nasewest ibonakala iwusawoti esilondeni kubalandeli kuzogcina kwenzekeni endimeni kamasikandi.
Uphendule ngelokuthi le nto yaqalwa ngabalandeli, bona... Akabange esaqeda ukusho lawo mazwi, kwaqhuma impama entathelini.
Kuthe kusakhuzwa lokho wabonakala esejaha intatheli eyishaya. Ngesikhathi konke lokhu kwenzeka abanye abalandeli babeleseka igcokama bethi lishaya into yokushaywa.
Kuzokhumbuleka ukuthi lo mculi usole intatheli ngokuthi ibika kabi ngaye, ikakhulukazi ngodaba lokushona kwezingane zakwalanga, ehlobane, ngemuva kwengozi yequantum ezazihamba ngayo okwabikwa ukuthi yayishayelwa yilo igcokama.