6.SIXABANA NJALO NENGODUSO YAMI
la ukuthi izohlukumezeka yilesi simo. Angazi ngenzenjani ngoba seziningi kakhulu, kuyesinda ukondla manje.
IMPENDULO: Shwele nkosi, phephisa mfowethu. Uqinisile uma uthi ingoduso yakho izohlukumezeka futhi uqinisile uma uthi umuntu akalahlwa ngakho-ke nawe ngeke ubalahle ndawo.
Engingakusho nje noma kubuhlungu kunjalo ukuthi yisabelo sakho nawe lesi; sincengeni nje isimo siyoze silunge noma kungathiwani.
Ungayesabeli kakhulu ingoduso yakho ngoba izobe ifike isimo isazi futhi abantu besimame baphiwe ukuhlakanipha okujulile. Nguyena ozobe esekulekelela kulesi simo obhekene naso nisibambe naye futhi ungakhohlwa ukuthi ningeke nafela kulesi simo sakini.
Ungakhohlwa ukuthi phela nisazoba nomuzi wenu lapho nizobe senihlala nodwa nezingane zenu ezika- aunty zingasekho. Naso lesi simo sizodlula. khohliswa ngabantu bese uzithola sewenza okungafanele. Ibambe ngakho njengoba wenza, ngakho ungadikibali ngoba uyozisola kusasa usuwedwa, bengasekho bonke laba abakufakela ingcindezi. Siyashoda ngezintombi ezinesimilo njengawe.
Uma nje ungake uzibuze umbuzo uwedwa noma uma uthanda nabo ubabuze ukuthi njengoba batholela izingane emakhaya besebancane nje bajabule na?
Bese futhi uma uthanda ubuze nabantu abangomakhelwane bakho ukuthi ngabe bajabule na njengoba izingane zabo zathola izingane zisencane na? Ngiyaphinda futhi ngithi ugade ungadlali abantu; abantu bayacasuka uma benotwayi kanti kunomuntu eduze kwabo ongenalo. Uma sifeyilile ekilasini, sifisa sengathi bekungathiwa sonke sifeyilile. PASTOR, sixabana njalo nengoduso yami, kayingethembi futhi ize isho nangomlomo. Ngiyavuma, ngibe namaphutha phambilini kepha naye waba nawakhe, sengiyilungisile impilo yami ngamtshela ukuthi ngishintshile ngizimisele ngaye kodwa akakuboni lokho.
Uma sixabana nguyena osho eyokuhlukana kuqala kube yikhoke ukuthi mina kangikho lapho. Inkinga ngisho ngisemsebenzini akakholwa noma ngiya edolobheni uthi bese ngiyofeba, kangisazi ngempela ukuthi ngenzenjani.
IMPENDULO: Mfowethu, ungakhohlwa phela ukuthi uke waganga. Mncenge nje ngoba ngokuhamba kwesikhathi kuzobuya ukukwethemba kuyena. Yingakho kuyingozi ukuganga ngoba akusheshi ukubuya ukukwethemba uma sekuke kwamlahlekela umuntu wakho.
Angethembe-ke ukuthi usifundile isifundo. Kulesi simo obhekene naso, kusazothatha isikhathi ukuba izinto zibuyele esimeni kwazise phela naye umuntu wakho uke wawenza amaphutha.
Ngiyaye ngithi uma ngizikhulumela nje kunzima ukwanelisa isigebengu futhi akulula ukuba umuntu ongathembekile akwethembe. Izincithabuchopho zithi abantu sibabuka njengalokho esiyikona ( we see people as we are).
Ngamafuphi ngiqonde ukuthi lo sisi ohleli naye kuyomele aqale athembeke yena uqobo ukuze akwazi ukukwethemba ngoba isithanda ukuba nzima uma engasakwethembi ngisho ususemsebenzini ngoba ukwedlula lapho sekuyofanele phela usebenze, umtete emhlane nokuyinto engeke yenzeka.
Mhla nathembeka, omunye nomunye, niyobe niyaqala ukuthembana.
Kubo bonke abafundi bephephandaba lethu ILANGA, siyafisa ukuba sisizane futhi ngiyafisa ukuniphendula nonke kepha ngebhadi ucingo noma inombolo iyodwa ngakho akulula ukunibamba nonke. Uma ufona uyizwa ikhala, ngesinye isikhathi ngisuke ngisakhuluma nomunye. Nixole kuleyo ndawo kodwa ngokushiya nje umqhafazo, siyakubeka nasemkhulekweni.
*Upastor Sthembiso Zondo ngumeluleki nomethuli wezinkulumo ezakhayo. Wethula inkulumo ekhuthazayo ngolwesine bese ephendula imibuzo yabafundi ngezinkinga zempilo nezothando KWILANGA Langesonto.
Abafuna ukuxhumana noma ukummema, inombolo ithi: 073 795 2292. Ungamshiyela nomyalezo kufacebook: Sthembiso Zondo Fan page noma kuwhatsapp: 082 070 8034. Abafisa ukukhonza nathi, bazosithola njalo ngesonto ngo-10h00 kunombolo 110 Williams Road ngasedalbridge.