INZIMA INDLELA EYA EMPUMELELWENI
LOVE BY CHANCE UMQONDISI: Samad Davis ABADLALI ABAPHAMBILI: Atandwa Kani, Altovise Lawrence, Terri J. Vaughn, Clifton Powell, Carlan Anthony Payne11, E. Roger Mitchell,
Lil Zane, Denise Zimba UHLOBO: Romantic Comedy IMINYAKA: UMHLAZIYI: Zowakha Mbatha
KAKUJWAYELEKILE kodwa kuyathokozisa ukubona abakhiqizi nabalingisi baseningizimu Afrika besebenzisana nabasendlunkulu yamafilimu (America), ngokusezingeni elilodwa.
Ngokujwayelekile abakuleli uma bedlala efilimini enabaseAmerica baba ngama- supporting actors noma ama- extra imbala nakuba bedumile kuleli.
Kuyathokozisa nokuthi nakuba izoqala kuleli ukubukwa kodwa kunezinhlelo zokuba isabalaliswe nakwamanye amadolobha aseAmerica.
Le ihlanganiswe ngabadidiyeli bamafilimu bakuleli udumi Gumbi nocati Weinek bebambisene nozinze e-america, usamad Davis. Indaba ingabantu ababili baseningizimu Afrika abayozama inhlanhla ehollywood yodumo okunguchance (Atandwa) nobailey (Altovise). Bahlangana kuyo le ndawo yodumo bezama impumelelo.
Ubunzima kuhanjwa ama- audi- tion, ukuphoxeka, izinkinga zemali abahlangana nazo kuleliya lizwe kukufundisa impilo. Kubukeke sengathi konke kuhamba ngegiya okuyilona lona emuva kokwazana sekunenhlansi esiphembekile yothando.
Khumbula njalo udumo noma impumelelo kuhle kodwa futhi kubi nozokubona nakule filimu. Uzoyithokozela ngoba kayilokhu izungeza kodwa konke iyashesha ukufika kuvuthondaba. Iqale ngoLwesihlanu esiphuma kulo e-cinema.
zowakha@ilanganews.co.za
I-TOP TEN YAKULELI SONTO
KUBUKEKA sengathi IFAST AND FURIOUS 8 isazohlala isikhathi eside esiqongweni njengoba nanamuhla kuseyiyo ezihola phambili ngokubukwa nangokufaka imali njengoba ngempelasonto edlule (28-30 April) bese ifake R 56 061 237. Lumi kanje uhlu lwayishumi ahambe phambili kuleyo mpelasonto:
1 FAST AND FURIOUS 8 2 BEAUTY AND THE BEAST 3 BOSS BABY
4 GOING IN STYLE
5 SLEEPLESS
6 THE SHACK
7 BEYOND THE RIVER 8 SMURFS THE LOST VILLAGE 9 KEEPING UP WITH THE KANDASAMY’S
10 JOHN WICK: CHAPTER TWO