Makuqeqeshwe abanye omahlathini

KUYACACA usuyashabalala umculo wezimbodlomane owasungulwa yimbodlomane yenkunzi usimon Mahlathini Nkabinde ongasekho.

Umahlathini uqale lolu hlobo lomculo eminyakeni ye-1960, wacula neqembu lezintokazi zomgqashiyo amahotella Queens asekhona namanje.

Ngeminyaka ye-1970 lolu hlobo lomculo beluhamba phambili, luthengwa ubuthaphuthaphu ezitolo, singakafiki lesi hlava sokuntshontshwa komculo.

Emakhonsathini kamahlathini bekugcwala amahholo zingakavami izitediyamu, kusweleke nendawo yokuhlala, abanye babuyiselwe emuva. Bekuqala ukuba kuzwakale indoda ebhodla kuzamazame izibilini zomuntu.

Yileso sizathu ebesenza ukuba abantu bathutheleke ngo-buningi befuna ukubona lo muntu onephimbo elifana nokuduma kwezulu kanti naye ubethi uma ecula athi: “Ladum’izulu”.

Usesele yedwa ubuhlebuyeza Potatoes Zuma osanaleli phimbo. Siyamnxusa ukuba afundise intsha ukuthi imbodlongo lena iqoqwa kanjani.

Ngiyacabanga nje ukuthi ku- ngaba mnandi kanjani uma kungavela abaculi abasha abacula ngezimbodlongo nakweminye imiculo, kesizwe okwehlukile kule ngxoxo esiyejwayele okungasaculwa kepha kuya khulunywa.

Umculo wezimbodlomane uyigugu lethu nento yethu lapha eningizimu Afrika. Phesheya kwezilwandle bebekhona obarry White okusemnandi namanje uma uzwa izingoma zabo yize bengasekho.

Ingoma kamahlathini esihloko sithi “Lilizela Mlilizeli” isashaya khona namanje emuva kweminya- ka engaphezu kwama-30 yabakhona.

Izinsimbi ezidlalwa kule ngoma zisekude ukuphela ezinhliziyweni zabaningi. Phela bekudlala izinkakha zesigingci omarx Mankwana obekhulumisa isigingci.

Alubuye lolu hlobo lomculo, siwuthokozele. Baningi abasaphila abawuthandayo, ngisho nentsha kukhona engakuthasisela kuwo.

ISITHOMBE NGABE: DISCOGS BEKUGCWALA kuphele indawo yokuhlala emakhonsathini kamahlathini namahhotela Queens ngenxa yephimbo lakhe elingajwayekile.

ISITHOMBE NGABE:BBC.CO.UK UBARRY White ungomunye wabaculi obedume umhlaba wonke ngenxa yephimbo eliyimvelakancane ebelisho kusangane inqwaba yabantu.