Libalulekile i-customer e-
USMA Mathibeli ongumnikazi wendawo yokudla esendaweni yabadla izambane likapondo i-unique Lifestyle Cafe ese-the Square, emhlanga Rocks uthi kayikho into ebaluleke njengokuphatha kahle amakhasimende uma unendawo yokudla.
Uthi ungaba nokudla okumnandi kodwa uma ikhasimende lingaphathwa ngendlela okuyiyo futhi lizizwa lingemukelekile mancane amathuba okuba libuye.
Uthi yena nomkhwenyana wakhe ngesikhathi bethenga le ndawo yokudla okwakuyi-aurelias Italian Ristorante inhloso bekuwukuyiguqula ibe nokuthile kwesintu, yingakho bagcina bekhethe ukuba ukudla kwabo kube Afritalian Restaurant, okuwuhlobo lwendawo yokudla edayisa ukudla kwesintaliyane nokwesintu.
“Akekho ongazi ukuthi thina bantu abamnyama siyazifela ngenyama ngakho akumangazi kwimenu yethu sibe nenyama eyosiwe,” kusho usma.
Uthi ukuhlanganisa okwesintaliyane nokwesintu kakugcini ekudleni kuphela kodwa nomculo abawudlalayo uhlanganise kokubili. Umculo onabantu abafana nopavarotti kuya kophuzekhemisi yiwo odlala kule ndawo.
“Ngesikhathi sivula le ndawo besifuna umuntu azizwe esekhaya ngokuba sibe nendawo enokuthula futhi epholile,” kusho yena.
Uthi kwesinye isikhathi bavakashela emahhovisi aseduze ngenhloso yokunxenxa amakhasimende. Uthi banezinombolo zawo wonke amakhasimende abo nokwenza kube lula ukuba bawameme uma kunesipesheli esithile, umculo noma kunomcimbi ofana ne- wine tasting.
“Sigabe kakhulu ngokudla okwehla esiphundu. Ukudla kwethu kuxoxa indaba. Ngikholwa wu- kuthi ngisho ungamphatha kahle kanjani umuntu kodwa uma lokhu akuzele kungashayi khona mancane amathuba okuba abuye,” kuqhuba usma.
Phakathi kwemicimbi yabantu ejwayele ukuba khona kule restaurant ubala ama- baby shower, amabridal shower, ama- year end function nokunye.
Uthi i- menu bayakwazi ukuba bayishintshe ngendlela ezozwana namakhasimende asuke enze umcimbi.
Yize abantu bekhala ngesimo somnotho esibuye sitsheke, usma uthi lokhu kakubalimazi kakhulu ngoba abantu bayaqhubeka nokuzikhipha ngenhloso yokujabulela imali abasuke beyisebenze kanzima.
“Okwethu ukubanika impatho esezingeni eliphezulu kuphela. Uma unebhizinisi kumele wazi ukuthi likhona ngenxa yomuntu futhi wenyusa amasokisi ngaso sonke isikhathi.
“Lonke ikhasimende elingenayo kumele ulibuke ngendlela yokuthi lingumqashi wakho,” kuqhuba usma.
Uthi ukudla okuthandwa kakhulu ngabantu kuba yi- platter yeshisanyama ne- pasta kanti namanani okudla abakudayisayo uthi kawakhalisi. Uthi njengoba sebekwazile ukuba bavule indawo yokudla sebezimisele ngokuthi bavule ihhotela.