AKASAYINGENI EYOKUSEBENZA KWIBAFANA BAFANA
UPHUMELA obala ngekusasa lakhe kwibafana Bafana u-owen da Gama obeyibamba lomqeqeshi kuleli qembu lesizwe laseningizimu Afrika eseliqashe ustuart Baxter ocija isupersport United omenyezelwe ngolwesine ukuthatha isikhundla esivuleke kuxoshwa u-ephraim “Shakes” Mashaba nyakenye.
Emuva kokuxoshwa kukamashaba izintambo zibanjwe nguda Gama. Ugijime imidlalo emibili yesihle wanqoba owodwa wadlala ngokulingana komunye. Engxoxweni uda Gama abe nayo naleli phephandaba uphumele obala ngekusasa lakhe kwibafana.
“Njengoba sekuqinisekisiwe ukuthi ubaxter usengumqeqeshi webafana kuyacaca ukuthi sekuphelile ngami naleli qembu.
“Njengoba bengishilo phambilini ngeke ngibe ngumsizi kwibafana. Nami lo msebenzi bengiwufuna ngokugcwele kodwa ngenxa yezizathu ezithile akwangenzeka.
“Ngikholwa wukuthi nami nginawo amagalelo okuhola ibafa- na kodwa-ke konke lokho akusenasidingo ngoba usemenyezelwe umqeqeshi. Njengamanje angazi ukuthi ikusasa lami limi kuphi futhi angazi noma ngisazoqhubeka yini nokuba ngumqeqeshi weqe- mbu lesizwe lika-u/23. Konke kuzoncika ekutheni umqeqeshi omusha uthanda abasizi bakhe balihole yini leli qembu,” kusho uda Gama.
Leli phephandaba lithole ukuthi uda Gama ugaqelwe ngamakilabhu amane kwi-absa Premiership okukhona kuwo ipolokwane City nechippa United.
Lo mqeqeshi ebuzwa ngalokhu, uthe:
“Okwamanje kangikafuni ukukhuluma ngendaba yamakilabhu angifunayo kuze kube kuyacaca ukuthi kugcinaphi ngami kwisafa. Ngingakuqinisekisa ukuthi akhona aseke angishayela amanye asenabo abaqeqeshi yingakho ngingafuni nokuwasho ukuthi yimaphi.” senzos@ilanganews.co.za
Ngikholwa ukuthi nami nginawo a...