Uyakhala nxa ekhumbule uyise
UKHULE ezifela ngezemidlalo ululeka “Lulu” Ndyibithi oyisilomo seqembu lakwazulu-natal lebhola lomnqakiswano, ikingdom Stars, elidonsa kanzima emidlalweni yebrutal Fruit Netball Premier League.
Ungomunye wabadlali ababhekwe ngabomvu ukushintsha isimo kuleli qembu elilale endaweni yesihlanu kule midlalo nyakenye. Ululu uzalelwe ematatiele eminyakeni engama-26 edlule. Uzalwa ngunosakhele noreginald Ndyibithi ongasekho.
Bayisi-6 kubo, ngunomvuzo, u-unathi, ubabalwa, uportia, ululu noveliswa uthunjana. Ufunde emaluti Primary wadlulela ethulang High School lapho ephothule khona ugrade 12 ngowezi-2012.
Uneziqu zecivil Engineering kanti akakawutholi umsebenzi awufundele. Esakhula ubedlala ibasketball okuthe ngokuhamba kwesikhathi washintshela kwinetball.
Nokho usayidlala ibasketball kodwa akasagxilile kuyona. Uqale ukudlalela istars ngowezi-2014. Uzinze ethekwini ukufeza iphupho lakhe kwezemidlalo nokuzama ukuthola umsebenzi awufundele.
Usebenza njengomqeqeshi othuthukisa izingane ezincane (U/12) ecrawford College, ela Lucia. Ubuye adlalele ikilabhu YELANGA yenetball athi kumthokozisa kakhulu ukuba kuyona ukumxhumanisa nabantu abehlukene. Ingxoxo kaluleka NELANGA
Langesonto ngempilo yakhe yangaphandle kwenkundla ihambe kanje:
ILANGA Langesonto: Intsha eningi uma ifika ethekwini iphuma ezindaweni zasemakhaya ididwa wubukhazikhazi balo, wena likuphathe kanjani?
Luleka: Mina kalingididanga. Ngisagoduka ngiye ekhaya. Nginguntwana kankulunkulu, kangisoze ngenza izinto eziphambene nokulunga.
ILANGA Langesonto: Ukhonza kuphi?
Luleka: Ngikhonza ebandleni i-all Nations kapastor u-andile Kamajola. Leli bandla liyishintshe kakhulu impilo yami ngesikhathi ngifika ethekwini?
ILANGA Langesonto: Yiliphi ivesi olikhonzile ebhayibhelini?
Luleka: Ibhayibheli ngilifunda zonke izinsuku. Ngikhonze u-eksodusi 20 vesi 12 elithi: “Hlonipha uyihlo nonyoko ukuze izinsuku zakho zande ezweni.” Lingifundisa ukuhlonipha bonke abantu abadala ngisho okungebona abazali bami.
ILANGA
Langesonto: Yini eyokuqala oyenzayo uma uvuka ekuseni?
Luleka: Ngiqala ngokuthandaza, ngibonge kunkulunkulu ukuthi ungilondile ngalala ngavuka ngisaphila. Ngithandazela nokuba usuku lungiphathe kahle.
ILANGA Langesonto: Usichitha kanjani isikhathi sakho?
Luleka: Isikhathi esiningi ngisuke ngiziqeqesha ukuze ngihlale ngiqatha. Ngibuye ngidlale ibasketball evictoria Mxenge, emlazi.
ILANGA Langesonto: Uma ungadlali usuke wenzani?
Luleka: Ngisuke ngiqeqesha izingane ezincane (U/12) ecrawford College, ela Lucia. Ngisafuna nomsebenzi weziqu zami zecivil Engineering.
ILANGA Langesonto: abantwana? Unabo
Luleka: Kangikabi nabo abantwana kodwa ukhona umuntu engihlekisana naye.
ILANGA Langesonto: Uphatha nhloboni kamakhalekhukhwini?
Luleka: Ngiphatha isamsung Smartphone.
ILANGA Langesonto: Ukhona ezi-nkundleni zokuxhumana?
Luleka:
Ngikhona. Ngingululeka Lucia Ndyibithi kwifacebook kanti ngikhona nakwiwhatsapp.
ILANGA Langesonto: Yimuphi umdlalo owuchungechunge okuchazayo?
Luleka: Ngikhonze umuvhango kanti umlingisi engimuthandayo nguthandaza Mokoena odlalwa ngusindi Dlathu.
ILANGA Langesonto: Ukhonze nhloboni yomculo?
Luleka: Ngilalela kakhulu igospel kapastor wami, u-andile Kamajola.
ILANGA Langesonto: Yisiphi isilwane osesabayo noma osithandayo?
Luleka: Ngikhonze ibhubesi ngendlela elihlakaniphe ngayo futhi linamandla. Liyazimisela kuyo yonke into eliyenzayo. Yilona futhi engilesabayo ngoba liyingozi ebantwini.
ILANGA Langesonto: Yiliphi izwe ofisa ukuvakasha kulona?
Luleka: Ngithanda inetherlands kwazise inetball isemthethweni khona, kungafani naseningizimu Afrika lapho siyidlala ukuchitha isizungu kwazise kakukabi namali etheni ukuyidlala.
ILANGA Langesonto: Yiyiphi ikilabhu kanobhutshuzwayo oyithandayo kuleli naphesheya?
Luleka: Ngizifela ngekaizer Chiefs. Umdlali engimuthandayo ngusimphiwe Tshabalala. Uyazimisela uma esenkundleni. Phesheya ngilandela ibarcelona yasespain edlalelwa ngulionel Messi ohlala esematheni.
ILANGA Langesonto: Uthanda umbala onjani?
Luleka: O-grey.
ILANGA Langesonto: Ugcine nini ukukhala?
Luleka: Ngikhala njalo uma ngikhumbula ubaba wami, ureginald ongasekho. Kungiphatha kabuhlungu ukuthi njengoba ngidlala akasakwazi ukungibona.
ILANGA Langesonto: Ungumuntu onjani?
Luleka: Ngingumuntu okhululekile. Ngiyashesha ukujwayela abantu, ngiyakuthanda ukuxoxa.
ILANGA Langesonto: Uthini umyalezo wakho entsheni?
Luleka: Kufanele izethembe, yazi ukuthi unkulunkulu ukhona futhi akehlulwa yilutho. Kufanele yazi ukuthi iphilelani emhlabeni, ingaphileli ukujabulisa abangani. Ingakhohlwa wukuthi isikole sibaluleke kunayo yonke into empilweni.
ILANGA Langesonto: Uzibona ukuphi eminyakeni emithathu kuya kweyisihlanu ezayo?
Luleka: Isifiso sami esikhulu wukudlala enetherlands. Uma ngi-ngase ngikwazi ukuya khona ngabe amaphupho ami wonke afezekile kwazise inetball ibalulekile khona.