INGCINDEZI IMI NGENHLA OSUTHWINI
KUHLIKIHLE usawoti esilondeni samazulu FC ukuvuna izimbangi kwemiphumela emidlalweni yenational First Division (NFD) egijinywe izolo ngomgqibelo ezinkundleni ezahlukene.
Iblack Leopards, ehlezi endaweni yesibili kwi- log yalesi sigaba esesinqotshwe yithanda Royal Zulu, isondele emidlalweni yokuhlungela ukunyukela kwi-absa Premiership ibhabhadisa imagesi FC ngo-4-1 izolo ethohoyandou Stadium, kwathi istellenbosch FC yaqinisa indawo yayo yesithathu iguqisa ireal Kings United ngo-20 ecape Town.
La makilabhu asevule igebe lamaphuzu ayisi-5 nesi-6 ngokwahlukana osuthwini olunephupho lwemidlalo yokuhlunga.
Usuthu seluhlezi endaweni yesi-6 ngamaphuzu angama-41 kanti iroyal Eagles inamaphuzu afanayo endaweni yesi-5 kuthi kweyesine kube yiwitbank Spurs ehlule imbombela United ngo-3-1 izolo epuma Rugby Stadium.
Usuthu luzozama ukuvala igebe ngokunqoba emdlalweni nesantos onamuhla ngesonto ngo-15h00 eprincess Magogo Stadium, KwaMashu. I-eagles izotabalasela ukushoshela phezulu ngokulwela amaphuzu agcwele nxa isibhekene nejomo Cosmos ngesikhathi esifanayo etsakane Stadium.
Ubrilliant Mkhathini wezokuxhumana osuthwini, uthi kubaqinisa idolo ukuya kulo mdlalo weSantos behlome ngabo bonke abadlali njengoba engekho olimele. Uthi okunye okubanika ithemba wukuthi akekho umdlali odonsa isigwebo samakhadi.
Ngemuva kwalo mdlalo usuthu luzokwamukela icosmos ngolwesithathu ngo-15h00 eking Zwelithini Stadium, emlazi.
Usuthu lunethemba lokuthola amaphuzu agcwele kule midlalo emibili yasekhaya, ukunyusa amathuba okubuyela phezulu.
Imiphumela yayizolo YENFD: Stellenbosch 2, Kings 0; Spurs 3, Mbombela 1; Leopards 4, Magesi 1; FC Cape Town 1, Mthatha Bucks 0.
* Imidlalo YENFD enamuhla imi kanje:Eparow Park: All Stars vs Thanda 14h00.
Etuks Stadium: Pretoria University FC vs Milano United 14h00.
Eprincess Magogo: Amazulu FC vs 15h00.
Etsakane Stadium:
Eagles 15h00. Santos Jomo Cosmos vs Royal