SIHLAZIYA AMA-CD
UMCULI : POLO B ISIHLOKO : SKEEM SAMI UHLOBO LOMCULO : MIXED DANCE
UNYAKA : 2016 AMAPHUZU : 5/10
INGENISILE le ntokazi, kushoda khona ukuthi umuntu nomuntu unekhono lakhe. Imnandi le albhamu .
Ziyi-10 sezizonke izingoma, zilandelana kanje: Skeem sami, Ibill, The dawn, Golden, Do you know, As’hambi la, Drop it, Golden, I wont miss you, nethi As’hambi la instrumental. Iyatholakala ezitolo zomculo.
UMCULI : NQUBEKO MBATHA ISIHLOKO : HEAVEN’S WAYS UHLOBO LOMCULO : GOSPEL UNYAKA : 2017 AMAPHUZU : 8/10
WULOZOLO lomculo wokholo, kuyasho kuthi kucula ingcweti ewuqeqeshelwe umculo. Amaphimbo nezinsimbi kuhlangene, umyalezo ucacile.
Nokho njengomuntu omusha unqubeko ucula izingoma zakhe ngolimi lwesingisi ngendlela ehlelekile. Ihamba nomphefumulo yonke le albhamu, bangaphuthelwa yiyo abathandi be-gospel.
Zilandelana kanje izingoma: Higher Than Mine, I Want To Know You Lord, Oh Lord My God, Let Your Glory, Ukuthula (Interlude), Oghene Doh - Thank You Lord, Heal Our Land, Organ Worship (Interlude), nethi Harvest time.
UMCULI : UGUDLUGU ISIHLOKO : KUKUDE UHLOBO LOMCULO : MBAQANGA UNYAKA : 2017 AMAPHUZU : 4/10
IYAZAMA le ndoda. Ishaya umbhaqanga. Kusazomele ibhukule ikhuphule amasokisi, ithole isi- tudyo esizoyenzela umsebenzi omuhle, siyithakele kahle. Zimnandi nokho izingoma zayo, azikhalisi.
Izingoma zilandelana kanje: Esodwana bay, Imikhuba, Insimbi, Imali yami, Zabalaza, Umahlalela, Mangicabanga, Ukuhlupheka, Kukude, nethi Mali yami instruments. Iyatholakala ezitolo.
UMCULI : SABELO ISIHLOKO : KUGIYA IZINSIZWA UHLOBO LOMCULO : MASIKANDI WALEMIHLA UNYAKA : 2017 AMAPHUZU : 5/10
USABELO ubalisa ngezothando kule albhamu. Umculo wakhe uhlangene, bazoyithokozela abalandeli balolu hlobo lomculo.
Ziyi-13 sezizonke izingoma, zilandelana kanje: Babie Babie, Umona, Kugiya izinsizwa, Mantombazane, Ukufa, Kukhala icilongo, Amehlo ami, Sitha sami, Bheka mina, Ukuganwa, Nomzamo, Lingcwele igama, nethi Ukufa remix.