EZIFINGQIWE
Uzoncelisa amawele umqeqeshi webafana
USAZOKE ancelise amawele ustuart Baxter ongumqeqeshi omusha webafana Bafana njengoba kuvela ukuthi uzosebenza kwiSupersport United ebe ejeqeza nakwelesizwe.
Isouth African Football Association (Safa) ngolwesine iqinisekise ukuthi ubaxter uzohola ibafana ehlale isikhathi eside ingenamqeqeshi emuva kokuxoshwa kukaEphraim “Shakes” Mashaba.
ILANGA Langesonto lithole ukuthi ubaxter uzothi esebenza kwiSupersport ebe eqalaza abadlali azosebenza nabo kwibafana.
“Nakuba ubaxter eseqashiwe kodwa uzoncelisa amawele kuze kuphele inyanga ezayo. Uzothi esebenza kwisupersport ebe eqalaza abadlali azogijima ngabo kwiBafana aphinde abheke nezimbangi azobhekana nazo kule midlalo emqoka yebafana ezayo,” kusho umthombo.
Udennis Mumble oyisikhulu esiphezulu kwisafa ebuzwa ngalolu daba, uthe akukho angakusho ngomqeqeshi omusha kuze kube uthulwa ngokusemthethweni nguDanny Jordaan ongumengameli wesafa. - Senzo Sokhela
Umqeqeshi ubeke ithemba kwipirates
UMQEQESHI webidvest Wits ugavin Hunt usebeke ithemba kwiOrlando Pirates ngesicoco se-absa Premiership. Emuva komdlalo weWits ihlula i-orlando Pirates ngo1-0 ngolwe-sine egoli uhunt uthe:
“Njengoba bengishilo ukuthi isikhiye sozonqoba iligi siphethwe yipirates kwazise ibisazodlala nathi sobabili, ngiyajabula ukuthi isinikile amaphuzu amathathu emdlalweni obunzima nokho. Ithemba lami ngeligi ngilibeke kuyona ngifuna ingigudluzele isundowns (ngesonto).
“Imaritzburg United sizoziqedela ngayo, kanginavalo ngayo ngoba iza kithina (namuhla ngesonto ngo-15h00 egoli).”
Ufarook Kadodia ongumnikazi wemaritzburg, uthi iwits igade bangayenzi esecape Town City abayiqumbe phansi ngo-1-0 kulindelwe ukuthi izozicoboshisela kubona. Senzo Sokhela
UDE Sa ukhonjwa kwisupersport
UKHONJWA esigqikini sikastuart Baxter ocija isupersport United uroger de Sa olaxaze imaritzburg United. Isouth African Football Associ-ation (Safa) ithumele isitatimende ngolwesine iqinisekisa ukuthi ubaxter usezokuba ngumqeqeshi omusha webafana Bafana.
Uthatha lo msebenzi nje, u-ephraim “Shakes” Mashaba obeqhoqhobele lesi sikhundla ukhonjwe indlela ngenxa yokuhlulwa wukuziphatha. ILANGA Langesonto lithole ukuthi ude Sa nguyena ozoqhoqhobala isikhu-ndla sikabaxter kwisupersport okubhekwe asuke kuso ekupheleni kukanhlangulana (June). Leli phephandaba lishayela ude Sa ngalolu daba, uthe:
“Okwamanje ngiziphumulele kanginamsebenzi kodwa ngizobu- ya ebholeni maduzane ukuthi kuyiphi ikilabhu ngeke ngazi.” Senzo Sokhela
Uzishaya isifuba umqeqeshi wechelsea
UZISHAYA isifuba ngomsebenzi asewenzele ichelsea u-antonio Conte wase-italy ongumqeqeshi wale kilabhu esethubeni elihle lokuhlabana ngenkomishi ye-english Premiership eqhathwe kuyona nemiddlesbrough kusasa ngomsombuluko ngo-21h00 ekhaya.
Lo mqeqeshi uthi sekusele kancane azifake emabhukwini omlando ngokunqobisa ichelsea le nkomishi ngesizini yakhe yokuqala kulesi sigqiki.
“Bengingazitsheli ukuthi izinto zizohamba kahle ngalolu hlobo ngoba ngiyaqala ngqa ukuqeqesha ngaphandle kwase-italy. Ngisethubeni lokuziqophela umlando wami,” kusho lo mqeqeshi.
Ichelsea izihola phambili nje, ivele izibekisele indawo kowamanqamu wefa Cup ezowugijima neArsenal mhla zingama-27 kunhlaba (May). Uconte uthi uzokwenza konke okusemandleni ukuqhuba ngendlela efanele abafana bakhe ukuze banqobe zombili lezi zinkomishi.
Imidlalo yase-england nasespain
IMIDLALO ye-english Premiership kule mpelasonto ihlelwe kanje:NAMUHLA NGESONTO Liverpool vs Southampton 14h30 (SS3).
Arsenal vs Manchester United 17h00 (SS3). KUSASA NGOMSOMBULUKO
Chelsea vs Middlesbrough 21h00 (SS3).
* Eyespanish La Liga ihlelwe kanje:
NAMUHLA NGESONTO Deportivo Alaves vs Athletic Club 12h00 (SS12). Valencia vs Osasuna 16h15 (SS12).
Deportivo La Coruna vs Espanyol 18h30 (SS12). Malaga vs Celta de Vigo 20h45 (SS4 nakwiss12). KUSASA NGOMSOMBULUKO
Leganes vs Real Betis 20h45 (SS12).