BASOLANA BODWA ABACULI KWEKA-90% WE-SABC
BAKHALE ngokuqhubana ngamadolo abaculi abebemasha ngoLwesine bephikisana nesiphakamiso sebhodi lesouth African Broadcasting Corporation (SABC) sokuqeda ukudlalwa kuka-90% womculo wakuleli emisakazweni engaphansi kwale nhlangano.
Lo mkhankaso othi Hands Off 90% uqine ngesonto eledlule, ngesikhathi kunemashi egoli njengoba kuleli sonto ibisethekwini. Ubelokhu ebelesele uthokozani “T'zozo” Zulu ongomunye wabahleli bemashi ebisethekwini, nongumholi wecreative Workers Union of South Africa (CWUSA), ethi bababhala emqondweni labo baculi abebengekho kule mashi.
Ukuphindaphindile lokhu, kanti nomunye wozakwabo abebehlela naye le mashi, ulindo “Dogg” Buthelezi ukhale ngokuthi kunabaculi abangazange bazihluphe nangokubeseka kulo mkhankaso nasezinkundleni zokuxhumana.
"Sekuyinto ejwayelekile ukuba uma kunamamashi athinta abaculi kugcwale laba abasafufusa nalabo asebephelelwe wushatini.
"Laba abasuke besadla kahle bavele bangalubhadi.
“Okubi ngomculo wukuthi namuhla ungaba ne- hit kodwa kusasa kube sekushisa omunye,” kusho ut'zozo egcizelela ukuthi bayabaqopha emakhanda laba abangekho.
Omunye okhale KWILANGA Langesonto nguthabo Mkhize owaziwa kangcono ngelikamy Lord, ongumculi osafufusa, nobemele inhlangano isouth African Arts and Culture Youth Forum. Ubekhala ngokuthi nakuba beyeseka eka-90% kodwa kunzima kakhulu kubona njengoba beshaywa indiva ngoba bengenamali.
“Makungadlalwa umculo wabantu asebaziwa kuphela, masizuze nathi. Sinazo nathi izingoma kodwa kudlalwa ezabantu ababodwa ngoba sebenemali. Naphambilini akasisizanga u-90% ngakho siyanxusa ukuba ISABC isinike ithuba, kubuzwe kubantu ukuthi bayawuthanda na umculo wethu, hhayi ukuba uvele ungadlalwa nhlobo,” kubalisa umy Lord.
Bezishubile izinkulumo, zigxile ekutheni kubulawa abaculi ngendlala ngokuqedwa kwalesi simiselo sika-90%. Bekusolwa nesandla semfene ngoba nakhu kungabaculi abamnyama abaningi kuleli nabadlalwa eziteshini zale nhlangano. Ujoy Mbewana wayo ICWUSA nokunguye obedlulisela i- memorandum ezikhulwini za- KWASABC, ubuze ephindelela ukuthi kubuhlungu kuphi, kubani ngalo-90%. Kakulona iqiniso ukuthi uhlaudi Motsoeneng obeyisikhulu KWASABC, walala wavuka wazinqumela indaba ka-90% njengoba sekushiwo kodwa yinto ekade sasiyikhuluma lena.
"Kungani idlanzana lifuna ukunqumela iningi ngalesi sinqumo?
"Ngongxiwankulu laba abakhalayo kuhulumeni wethu nabangaxhasi nhlobo izinto zabaculi. Nayo ISABC le ikhala ephalamende uma isinezinkinga kuphinde kuthathwe yona le mali yethu njengabakhokhi bentela,” kubalisa ujoy.
Ube esehlala phezu kwezikhalo zabo nabale phakathi kokunye ukuthi bayaphikisana nokuqedwa kwalo mgomo, bafuna kunyuswe imali abayitholayo yama- royalty isuke ku-3% okungenani ifinyelele ku-5% kusukela kuqala untulikazi (July), ibhodi lixoxisane nabathintekayo ngaphambi kokuthatha izinqumo ezinzulu.
Uhlu lwezikhalo lwemukelwe ngumphathi wokhozi FM, umnu Bonga Mpanza, wathi uzolwedlulisela kwibhodi ngoba luqondiswa kuyona.
Uthe laba kabababekelanga isikhathi okumele babe sebephendule ngaso lezi zikhalo kodwa okudingwa ukuphendulwa ngokushesha yilokhu kwama- royalty njengoba bebeke untulikazi. zowakha@ilanganews.co.za