IBHAYIBHELI ALIHAMBISANI NAMA- TATTOO
ENCWADINI ulevitiku 19:28 kuthi “Aniyukuzigcaba emizimbeni yenu ngenxa yabafileyo, ningazilobi amabala; ngingujehova”.
Lawa mazwi ujehova awasho ku-israel aveza ukuthi umkhuba wokuzigcaba nokwenza amabala emizimbeni mdala, nokuthi akawuthandi.
Asisheshe sikuphawule ukuthi ukuqhumbuza ngenhloso yokuhloba ngamacici akuveli kulesi sexwa-yiso. Nango u-abrahama ethuma inceku yakhe enkulu ukuyofunela u-isaka umfazi emesopotamiya. Phakathi kwezipho eyayiziphethe kubalwa necici legolide (Genesis 24:22).
Namuhla sizobheka kafushane indaba yomkhuba oyimfashini edla lubi kulezi zinsuku, sisho phela ukwenza i-tattoo emzimbeni nokuthi umzalwane angakwenza yini lokhu noma qha. Emazwini ashiwo ngenhla kuyacaca ukuthi ujehova umelene nokwenziwa kwe- tattoo emzimbeni - njengoba simuzwa kulamazwi exwayisa u-israel ngawo.
Ngaphandle kokuloba umzimba, lapho uze ugcine ungasazi ukuthi ubona inhlwathi noma ibululu, iphepha lakho lenze ucwaningo ngokuthi kusho ukuthini ukwenza i- tattoo emzimbeni nokuthi kungani unkulunkulu engahambisani nalo mkhuba. Kuyethusa okuvela lapho ukuthi kanti lokhu akugcini nje ngokuba wumhlobiso ongaphandle kepha kunento okuyishoyo kwezomphefumulo.
Asenele lapha isikhala sokusho konke ucwaningo olukuvezayo ngale ndaba. Embhalweni phansi kwesihloko esithi, “The Deeper Meaning of Tattoos” owaphuma kwiphephabhuku elibizwa ngeSpirituality and Health, ka-assistant Prof Andrew Mccarthy wase Anna Maria College, Massachusetts kwelase-united States of America ubika ukuthi kuningi okuqukathwa yilemilobo ebizwa nge-tattoo ayeyibona kubafundi.
Phakathi kokunye wathola ukuthi kuba nemifanekiso yemindeni, izimpawu zezenkolo nokunye. Wathola nokuthi lento ikapakela ngaphandle kwemingcele yezwe lakhe futhi yinto osekwaphela izinkulungwane zeminyaka ikhona.
Okunye futhi wukuthi nalapho
kunomehluko ngokomoya ezimpendulweni abezithola kubafundi ayenza kubona ucwaningo kodwa konke kuphathelene nobudlelwano bokomoya womuntu namandla obunkulunkulu obuthile
( higher power).
Kuvamile ukuba okulotshwe emzimbeni kube yisikhumbuzo somuntu ongasekho, okungaba yisihlobo, isithandwa noma umngani.
“Abafundi bakhombisa ukuthi abanayo inkinga yokusho yonke into. Isililo sasisikhulu” kusho yena kangangoba ubegcina eseze walibala ukuthwebula imifanekiso eyayisemzimbeni yabo.
Akupheleli lapha. Okunye okuye kungamenyezelwa kwaziwe yizwe lonke ngama- tattoo wukuthi leyo naleyo tattoo kukhona ekushoyo. Ngokusho kukatrent Aitken-smith ongumhleli wephephabhuku itattoo Master, “Ama- tattoo aqhamuka ngomshoshaphansi”.
Kukhona izimpawu ezithandwayo zama- tattoo ezinencazelo, kokunye ukuzazi okukusiza ukuba uziqhelelanise nabathile abanazo. Izibonelo: isichibi sonyembezi sisho ukuthi osilobe emzimbeni wakhe uzinikele ekukhipheni isidumbu noma empilweni yokuhlala ejabhile. Uvemvane luwuphawu lokuvuselela nokuvuka kwabafileyo futhi emasikweni ezizwe ezihlukene lusho umphefumulo. Izinombolo ezithile zimele amaqembu ezigelekeqe ezisemajele.
E-russia umdwebo wenkanyezi esifubeni usho ukuthi uyisigebengu esisezingeni eliphezulu. Inombolo 1488 iyamaniswa nenhlangano yamanazi - u8 umele uhlamvu H, kanti ukuvela kabili kuthi Heil Hitler.
Iwashi elingenazo izingalo kumbe izinti ezikhomba isikhathi lisho ukuthi baphila ngokuboshwa bephindelela. Ziningi ezinye izinhlobo abazenza zize zibe yisidlidli, futhi kuthiwa uma obukayo eshintsha indawo emi kuyona, nomdwebo uyashintsha ube esinye isimo, naso esisho okuthile.
Kuyo yonke le nto usathane usebenzisa abantu abadumile ukuze intsha ithatheke, iphuthume ukwenza izinto engazazi ukuthi zisho ukuthini.
*Incazelo: www.wired.co.uk/article/secret-messages-tattoos]
Isichibi sonyembezi sisho ukuthi onaso uzinikele ngokukhipha isidumbu.