6. NGISOLA SENGATHI NGINESIGCWAGCWA
Kule nkinga obhekene nayo ngizama ukucabanga kahle ukuthi yini lena engaze ikwenze ucabange ukuzibulala ngoba uma kungathiwa wonke umuntu wesifazane ogilwe wumuntu wesilisa uyazibulala ngabe bangakanani abasasele.
Ngiqonde njalo ukuthi akuqali ngawe ukugilwa yindoda, nami nje uma sekungisukile ngiyabagila. Amandoda anjalo nje, ungabothi uma ugilwa yindoda bese ucabanga ukuthi kunento eyonakele ngawe.
Mina nje ngicabanga ukuthi into onovalo namahloni ngayo wukuthi awukakazicebi kini ukuthi ubuntombi abusekho, uyomangala nje mhlazane ungaqunga isibindi uzicebe esalukazini esisodwa ukuthi siyokutshela ukuthi kudala sabona ukuthi inkomo esibayeni isibalekile.
Akekho-ke umuntu ongabulawelwa ukuthi sekonakele. Ungababuza bonke abesifazane abaneqiniso, bayokutshela ukuthi asibulawanga mhla kutholakala ukuthi sekonakele. PASTOR, kunomuntu engithandana naye, ngiyamthanda naye uyangithanda, inkinga wukuthi unina ngowakwazungu ushadele kwamhlanga nami ngingowakwaZungu. Sinovalo lokuthi kungenzeka abantu abadala bengakuthokozeli ukuzwana kwethu. Senzenjani?
IMPENDULO: Ngesinye isikhathi ngaphambi kokuba uzigxeke empilweni uboke uqale ubheke ukuthi yinhloboni yabantu laba abasuke bekugxeka noma bekhuluma ngoba ngelinye ilanga uyothi uyazigxeka kanti awazi ukuthi uzigxekela abantu abangakwazi ukulala bengahlukumezanga muntu. Ungabozilahla ngecala kanti awenze lutho.
Empilweni uyoshonelwa yila-
~ Kubo bonke abafundi bephephandaba lethu ILANGA, siyafisa ukuba sisizane futhi ngiyafisa ukuniphendula nonke kepha ngebhadi ucingo noma inombolo iyodwa ngakho akulula ukunibamba nonke. Uma ufona uyizwa ikhala, ngesinye isikhathi ngisuke ngisakhuluma nomunye. Nixole kuleyo ndawo kodwa ngokushiya nje umqhafazo, siyakubeka nasemkhulekweni.
*Upastor Sthembiso Zondo ngumeluleki nomethuli wezinkulumo ezakhayo. Wethula inkulumo ekhuthazayo ngolwesine bese ephendula imibuzo yabafundi ngezinkinga zempilo nezothando KWILANGA Langesonto.
Abafuna ukuxhumana noma ukummema, inombolo ithi: 073 795 2292. Ungamshiyela nomyalezo kufacebook: Sthembiso Zondo Fan page noma kuwhatsapp: 082 070 8034.
Abafisa ukukhonza nathi, bazosithola njalo ngesonto ngo-10h00 kunombolo 110 Williams Road ngasedalbridge.