SIHLAZIYA AMA-CD

UMCULI : SGWILI LIVE WINSTON CHURCHIL PIETERMARITZBURG ISIHLOKO : JESUS AT WORK UHLOBO LOMCULO : GOSPEL UNYAKA : 2016 AMAPHUZU : 8/10

BAZOTHOKOZA kakhulu labo ababekhona emgungundlovu usgwili eqopha le CD yakhe. Onjiniyela bamenzele umsebenzi omuhle. Lapha uqoqele ndawonye zonke izingoma zakhe ezaziwayo nezintsha.

Ziyi-18 sezizonke, zilandelana kanje: Intro, We worship you, Konke kungumusa, Gideon, Bayede, Ngivez’izandla, Mphefumulo wami, Indawo, Ungujehova, Hamba nami, Sihamba ngesizotha, usigcinile, Uyasinika ithemba, Umhlobo, Libala kuye, Izithelo zikamoya, Jesus is my Savior, nethi ngimbikele konke. Iyatholakala ezitolo.

UMCULI : MATLAKALA ISIHLOKO : EMMANUEL UHLOBO LOMCULO : GOSPEL UNYAKA : 2016 AMAPHUZU : 7/10

ISISHIYE ne-albhamu emnandi le ntokazi umatlakala engasekho emhlabeni.

Icula ngolimi lwesi-suthu kepha kakudingeki nakutolikwa ekushoyo kungokukamoya kodwa. Izingoma zayo ziyadumisa zonke awukwazi ukuhlala phansi uma zidlalwa.

Ziyi-13 izingoma zilandelana kanje : Eloi lamasabatha, Emmanuel, Lesedi laka, Refilwe moemedi, Sentebale mongwaka, En jwale ke tla goroga, Renamolele, Tau dikalapa, Tumelo ke thebe, Modimo wa mehlolo, Jesu yo bonolo, Mmusong wa dira, Matlhomoleng, nethi Kebatla gommona Messiah.

Iyatholakala ezitolo.

UMCULI : VELISWA ISIHLOKO : AMANDL’ ENDUMISO

UHLOBO LOMCULO : GOSPEL UNYAKA : 2017 AMAPHUZU : 8/10

IPHELELE le albhamu, inogcobo. Usho ngephimbo lakhe elibalisayo uveliswa kudume amawa, kubaleke amadimoni. Ungumakade ebona. Le albhamu isezingeni eliphezulu uma iqhathaniswa nengaphambi kwayo. Zixubile izingoma, ngezendumiso nezigxumisayo kepha akasishintshile isitayela sakhe sokukhala ngephimbo ebalisa. Ukuthatha akubeke kwelikapawula izulu.

Ziyi-10 sezizonke, zilamana kanje: Jehova ngenelela, Bless the Lord, Hlobo luni lwabantu olu, Ujesu nguye, Kuwe baba, Amen, Ujesu uthanda bonke abantu, Yesu nyana lo ka Thixo, Siphumelela ngomthandazo, nethi Dumisani ujehova. 072 667 2764, yinombolo yomphathi wakhe lena.

UMCULI : PASTOR KHAYA MAYEDWA ISIHLOKO : NGIYAMETHEMBA UHLOBO LOMCULO : GOSPEL UNYAKA : 2017 AMAPHUZU : 5/10

IHOSHOZELA inkosi inceku lapha akukho esingakugxeka ngaphandle kokuthi nje iyibekile induku ebandla. Kuhle ukungazenyezi ngephimbo lakho noma linjani, kukhona abazolithanda.

Kuyacaca ukuthi igxumeka amatende inceku yenkosi futhi aba yimpumelelo, iyavangela ngalo mculo wayo. Izingoma ngamakhorasi ajwayelekile, ayabusisa.

Ziyi-11 izingoma, zilandelana kanje: Intombi zejerusalema, Ngi-yamethemba, He restoreth my soul, Usaphila ujesu, I lay my life, Uyintoni umntu, Amandel’egazi, Yes to the Lord, Yehlis’umlilo, Yiguqule nethi amayuyuyu instruments.